நான் ஏன் மீசையை எடுத்துட்டேன்? அப்படி மட்டும் நினைச்சுடாதீங்க! வேற காரணம்!

முக்கோண காதல்

கடந்த இருவாரங்களுக்கு முன்பு முக்கோண காதலாக இருந்தால் பிரச்சனைதான் என்று கூறி கவினை கழுவி ஊற்றினார். அப்போது கவினும் இனிமேல் அப்படி நடக்காது என உறுதியளித்தார்.

பெரும் பஞ்சாயத்து

ஆனால் அவர் சொன்னதை ஃபாலோ செய்யவில்லை. மீண்டும் சாக்ஷி, லாஸ்லியா என இருவரிடமும் மாறி மாறி கடலை போட்டார். இதனால் இந்த வாரத்தில் பெரும்பாலும் கவின், சாக்ஷி, லாஸ்லியா குறித்த பஞ்சாயத்தே பெரிதாக இருந்தது.

மீசையின்றி செம ஃபிரஷ்

இந்நிலையில் இன்று பிக்பாஸ் வீட்டில் உள்ள ஹவுஸ்மேட்ஸ்களை சந்திக்கவுள்ளார் கமல். இதற்கான முதல் புரமோவில் பேசியுள்ள கமல், மீசையின்றி செம ஃபிரஷாக வந்துள்ளார்.

பெட்டுல தோத்துட்டேன்

மீசையை எடுத்தது குறித்தும் கமல் விளக்கம் கூறியுள்ளார். அவர் பேசியதாவது, மாற்றம் ஒன்றே மாற்றம் இல்லாதது, மனங்கள் மாறாலம், குணங்கள் மாறலாம், இங்கே இனிமே முக்கோண காதலுக்கு வழியே இல்லை, இனிமே எல்லாமே நட்பாவே இருக்கும், அப்படின்னு பெட் கட்டி தோத்து போயி மீசையை எடுத்துட்டேன்னு நீங்கெல்லாம் நினைக்கலாம்.

வேற காரணம்

ஆனா அது இல்லீங்க வேற காரணம் என அவர் ஸ்டைலில் சொல்லாதது போல் சொல்லி அசத்தினார் கமல். இதனைக்கேட்ட ரசிகர்கள் கையை தட்டி ஆரவாரம் செய்தனர். தான் சொல்லவந்ததை சொல்லாததை போல சொல்லி கவின் ஆட்டத்தை ஆட்டம் காண வைத்துள்ளார் கமல்.

ஜூஸ் பிழிவாரா?

பார்ப்போம் இன்று இரவு யாரை பிழிந்து ஜூஸ் போடப் போகிறார் கமல் என்று. பிக்பாஸ் வீட்டில் அத்தனை சமாச்சாரங்கள் இந்த வாரத்தில் அரங்கேறியிருக்கின்றன. சரவணனை சாடுவாரா கமல் அல்லது கடந்த வாரத்தை போல சிரித்தப்படியே கடந்து விடுவாரா என்பது இன்று இரவு தெரியும்.