ஸ்ரீதேவியிடம் பாராட்டு பெற்ற மகேஸ்வரி

சின்னத்திரையில் மை நேம் இஸ் மங்கம்மா தொடர் மூலம் களம் இறங்கியுள்ளார் நடிகை மகேஸ்வரி. இந்த தொடரில் அவரது அப்பாவித்தனமான நடிப்பை பார்த்து ஸ்ரீதேவியே பாராட்டினாராம்.

பாரதிராஜாவின் கருத்தம்மா படம் மூலம் அறிமுகமானவர் நடிகை மகேஸ்வரி. இவர் நடிகை ஸ்ரீ தேவியின் சித்தி மகள். உல்லாசம்', , "நேசம்' போன்ற படங்களில் நாயகியாக நடித்த மகேஸ்வரிக்கு சினிமா செட் ஆகவில்லை. சில காலம் கலைச்சேவைக்கு லீவு விட்டிருந்த அவர் ஜீ தமிழ் தொலைக்காட்சியில் புதிதாக துவங்கிவுள்ள "மை நேம் இஸ் மங்கம்மா' என்ற தொடரின் நாயகியாக நடிக்கிறார்.

சமீபத்தில் இந்த தொடரின் படப்பிடிப்பு தளத்துக்கு வந்த மகேஸ்வரியின் அக்கா நடிகை ஸ்ரீதேவி, மகேஸ்வரியின் அப்பாவித் தனமான நகைச்சுவை நடிப்பை ரசித்துப் பார்த்து பாராட்டினாராம். அக்காவின் பாராட்டால் சந்தோஷத்தில் திளைத்திருக்கிறாராம் மகேஸ்வரி.

சின்னத்திரையிலாவது சூப்பரா ஒரு இடத்தை பிடிச்சிருங்க!