அடுத்தக் கட்டத்திற்கு தயாராகும் ஆல்யா மானசா.. வெறித்தனமான பிராக்டீஸ்!

ராஜா ராணி தொடர்

தொடர்ந்து தன்னுடைய முதல் குழந்தை பிறப்பை தொடர்ந்து ராஜா ராணி 2 சீரியலில் நடித்தார் ஆல்யா மானசா. இதனிடையே இரண்டாவது குழந்தைக்கான கர்ப்பம் தரித்த நிலையில், தொடரிலிருந்து விலகினார். சமீபத்தில் இவருக்கு ஆண் குழந்தை பிறந்தது. இந்த சந்தோஷத்தை சஞ்சீவ் சமூக வலைதளத்தில் பகிர்ந்து கொண்டார்.

ரீ என்ட்ரிக்கு தயார்

தற்போது தன்னுடைய இரண்டாவது குழந்தை பிறந்து 6 மாதங்கள் ஆன நிலையில் மீண்டும் ரீஎன்ட்ரிக்கு தயாராகியுள்ளார் ஆல்யா. இவர் அடுத்ததாக சன் டிவியின் புதிய தொடரில் இணையவுள்ளார். தனக்கு மிகப்பெரிய புகழை பெற்றுத் தந்த விஜய் டிவியை விட்டுவிட்டு தற்போது சன் டிவியில் இணையவுள்ளார்.

சமூக வலைதளங்களில் ஆக்டிவ்

குழந்தை பிறந்த நிலையிலும் தொடர்ந்து சமூக வலைதளங்களில் மிகவும் ஆக்டிவாக செயல்பட்டு வந்தார் ஆல்யா. தொடர்ந்து அடுத்தடுத்த டான்ஸ் வீடியோக்களையும் புகைப்படங்களையும் பதிவிட்டு ரசிகர்களை உற்சாகப்படுத்தினார். பல விளம்பரங்களிலும் இவர் நடித்திருந்தார்.

சன் டிவி சீரியல்

இந்நிலையில் இவர் மீண்டும் புத்தம் புதிய சீரியலில் இணையவுள்ளது ரசிகர்களை குஷிப்படுத்தியுள்ளது. இதுகுறித்து அவர்கள் ஆல்யாவின் இன்ஸ்டாகிராம் பக்கத்தில் மகிழ்ச்சி தெரிவித்து வருகின்றனர். இந்நிலையில் இந்த சீரியலில் நடிப்பதற்காக தன்னை தயார் படுத்தி வருகிறார் ஆல்யா. அவர் பாக்சிங் பிராக்டீஸ் செய்யும் வீடியோவை அவரது கணவர் சஞ்சீவ் தனது இன்ஸ்டாகிராமில் வீடியோவாக பதிவிட்டுள்ளார்.

உடல் குறைத்த ஆல்யா

குழந்தை பிறந்தபோது ஆல்யா மிகவும் குண்டாகவும் காணப்பட்ட நிலையில், தற்போது தன்னுடைய உடல் எடையை கணிசமாக குறைத்துள்ளார். எந்த ஒரு விஷயத்திலும் ஆர்வமும் நம்பிக்கையும் இருந்தால் எதையும் செய்ய முடியும் என்பதற்கு ஆல்யா மிகச்சிறந்த உதாரணமாக உள்ளார்.