Don't Miss!
- Finance அமெரிக்க நிறுவனத்துடன் டீல்.. எகிறியது ராமகிருஷ்ணா ஃபோர்ஜிங்ஸ் பங்கு விலை..!
- News ஜனநாயக பெருவிழா.. அசத்திய ஆளுநர் ரவி! இப்படி எந்த ஆளுநரும் செஞ்சதே இல்லையே? தமிழும் கத்துக்கிட்டாரே!
- Lifestyle குரு பகவானால் கிடைக்கும் நன்மைகள் என்னென்ன தெரியுமா?
- Technology எகிறியது மவுசு.. ரூ.5000 டிஸ்கவுண்ட் உடன்.. மீண்டும் விற்பனைக்கு வந்த Motorola போன்.. என்ன மாடல்?
- Automobiles இந்திய நிறுவனம் தயாரிச்ச வண்டியா இது? முழுக்க முழுக்க மின்சாரத்தில் இயங்கும்! ஹல்க்கைவிட அதிக எடையை சுமக்கும்!
- Sports "மும்பை சூப்பர் கிங்ஸ்"னு பேரை மாத்திக்கலாம்.. சென்னை சூப்பர் கிங்ஸ் அணியில் மும்பை ஆக்கிரமிப்பு
- Travel பாவனி ஆற்றின் நடுவே 700 ஆண்டுகளாக மூழ்கியிருக்கும் கோட்டை – இன்னும் 2 மாதங்களுக்கு பொதுமக்கள் செல்லலாம்!
- Education பிளஸ்-2 படித்திருந்தால் போதும்...மத்தியஅரசு வேலை தயார்..!!
நான் சுத்த சைவம்… அமலாவின் பிட்னெஸ் சீக்ரெட்
23 ஆண்டுகால இடைவெளிக்குப் பின்னர் உயிர்மெய் என்ற நெடுந்தொடர் மூலம் தமிழ்நாட்டு சின்னத்திரைக்கு வந்துள்ளார் நடிகை அமலா.
அன்று சத்யாவில் வலையோசை கலகலகலவென பாடிய அமலாவாகத்தான் இன்றும் இளமையாய் இருக்கிறார். டீன் ஏஜ் பையனின் அம்மா அமலா, இன்றைக்கும் கதாநாயகி தோற்றத்துடன் இருக்கக் காரணம் யோகா, தியானம், அவர் பின்பற்றும் டயட்தானாம்.
இத்தனை ஆண்டு இடைவெளிக்குப் பின்னர் மீண்டும் சின்னத்திரையில் நடிக்க காரணம் என்ன என்பதை அவரே சொல்கிறார் கேளுங்கள்.
நடிக்கிற ஐடியா இல்லை
'1992-ல் கல்யாணம். அகில் பிறந்தான். எப்பவுமே திரும்ப நடிக்கிற ஐடியா இல்லை. நடுவில் டைரக்டர் சேகர் கம்மூலா வேண்டிக் கேட்டுக்கிட்டதால், 'லைஃப் இஸ் பியூட்டிஃபுல்' மட்டும் நடிச்சேன்.
சமூக அக்கறை சீரியல்
உயிர்மெய் சீரியலின் தயாரிப்பாளர் ரமேஷ் ரெண்டு வருஷத்துக்கு முன்னாடி என்னைச் சந்திச்சு, 'மருத்துவமனை, மருத்துவர்கள் பத்தின ஸ்க்ரிப்ட். அதை பொதுமக்களிடம் ரீச் பண்ண வைக்க நீங்க அவசியம் நடிக்கணும்'னு கேட்டார். சீரியலில் இருந்த சமூக அக்கறை எனக்குப் பிடிச்சிருந்தது.
விலங்குகள் நல அமைப்பு
சினிமா விட்டு விலகினாலும் சமூக சேவை செய்கிறேன். விலங்குகள் நலனுக்காக 'ப்ளூ கிராஸ் ஆஃப் ஹைதராபாத்' அமைப்பு ஆரம்பிச்சு, 200 மிருகங்களைப் பராமரிக்கிறேன்.
எய்ட்ஸ் நோயாளிகள் பராமரிப்பு
ஹெச்.ஐ.வி பற்றி விழிப்புணர்வு இல்லாத 90-களில் நிறைய வேலைகள் பார்த்தேன். ஆந்திராவில் அப்ப ஹெச்.ஐ.வி குழந்தைகளை பள்ளிகளில் இருந்து ஒட்டுமொத்தமா வெளியே அனுப்பிட்டாங்க. 'ஒரு அம்மாவா நீங்க அவங்களுக்குப் புரிய வைங்க'னு ஆந்திர அரசாங்கம் என்கிட்ட கேட்டாங்க. பல வேலைகள் பண்ணி மக்கள் மனசுல ஹெச்.ஐ.வி பற்றிய புரிதல் ஏற்படுத்தினதில், என் பங்கும் அணில் அளவுக்கு இருக்கு.
பிட்னெஸ் ரகசியம்
மாமிசம், முட்டை, பால், பால் சார்ந்த பொருட்கள்கூட இல்லாத ப்யூர் சைவம்' நான். யோகா, தியானம் சேர்த்துக்கிட்டா, கண்டிப்பா உடம்பு உங்க சொல் பேச்சு கேட்கும் என்கிறார் அமலா.
அவித்த உணவுகள்
ஃப்ரெஸ் உணவுகள் மட்டுமே நல்லது. அவித்தவை மட்டுமே போதும். வறுத்த, பொறித்த உணவுகள் கூடவே கூடாது. ஒரு வேளை மட்டுமே குறைந்த அளவு அரிசி, அதுவும் கைக்குத்தல் அரிசி சாப்பிடலாம். காலையில் கேரட் ஜூஸ். தோசையாக அல்லது கஞ்சியாக ராகி. முதல் நாள் இரவே ஊறவைத்த 10 பாதாம் பருப்புகள், கொஞ்சம் பழங்கள். மதியம் இரண்டு ஃபுல்கா, காய்கறி, கொஞ்சம் கைக்குத்தல் அரிசி சாதம். இரவு எல்லா காய்கறிகளும் போட்டு செய்த அவியல்.
எள் உருண்டை, கடலை உருண்டை
பழங்கள் எப்போது வேண்டுமானாலும் சாப்பிடலாம். கால்சியம் சத்துக்கு எள் உருண்டையே போதும். அதில் பாலைவிட 10 மடங்கு கால்சியம் அதிகம் இருக்கு. தினமும் எள் உருண்டை, கடலை உருண்டை சாப்பிடுவது நல்லது என்கிறார் அமலா.
ஆகஸ்ட் 18 முதல்
உயிர்மெய் தொடர் 12 மருத்துவர்களைப் பற்றிய மெகா தொடராம் இது. அமலா 12 பேர்களில் ஒருவராக நடிக்க உள்ளார். ஆகஸ்ட் 18 முதல் ஜீ தமிழ் டிவியில் ஒளிபரப்பாக உள்ளது.