“நெஞ்சுக்குள்ளே உம்மை முடிஞ்சி வச்சிருக்கேன்”… எம்.டிவிக்காக ஏ.ஆர்.ரஹ்மான்

Television

oi-Jaya

By Mayura Akilan

| Published: Wednesday, November 7, 2012, 16:51 [IST]

மணிரத்னத்தின் இயக்கத்தில் உருவாகும் கடல் திரைப்படத்திற்கு இத்திரைப்படத்திற்காக ஏ.ஆர்.ரஹ்மான் இசை அமைத்துள்ள நெஞ்சுக்குள்ளே என்ற பாடல் எம்.டிவி. அன்ப்ளக்டு (MTV unplugged) நிகழ்ச்சியில் முதல் முறையாக வெளியிடப்பட்டுள்ளது.

திரைப்பட பாடலொன்றை முதல் முறையாக இப்படி டி.வி நிகழ்ச்சியொன்றில் ஏ.ஆர் ரஹ்மான் வெளியிட்டுள்ளார். பாடல் வெளியீடு தொடர்பில் "இது ஒரு மகிழ்ச்சியான தருணம்" என்று என தனது மகிழ்ச்சியை பகிர்ந்துள்ளார் ஆஸ்கார் நாயகன் ஏ.ஆர் ரஹ்மான்.

அக்கார்டியன் இசைக்கருவிவை ரஹ்மான் வாசிக்க, "நெஞ்சுக்குள்ள உம்மை முடிஞ்சிருக்கேன்... என்று பாடுகிறார் பின்னணிப் பாடகி சத்தியஸ்ரீ கோபாலன்.

சிங்கிள் டிரேக் பாடல்களை யூடியூப்பில் தரவேற்றம் செய்து பிரபலமடையும் புது நுட்பத்தில் ரஹ்மானும் தன்னை இணைத்துக்கொண்டார். இப்பாடல் இந்தியாவில் யூடியூப்பில் அதிகதடவை பார்வையிடப்பட்ட வீடியோவாக மாறியுள்ளது. மேலும் சமூக தளங்களிலும் அதிகம் பகிரப்பட்டுள்ளது.

கவிப்பேரரசு வைரமுத்துவின் 'வைரமுத்து கவிதைகள்' புத்தகத்திலிருந்து இப்பாடலுக்கான வரிகள் உருவாக்கப்பட்டுள்ளது. தமிழில் எந்திரனுக்கு பிறகு ஏ.ஆர்.ரஹ்மான் இசையமைப்பில் பெரிதும் எதிர்பார்ப்பை கிளப்பியிருக்கும் திரைப்படங்கள் வரிசையில் மணிரத்னத்தின் கடல், ரஜினிகாந்த்தின் கோச்சடையான், பாரத் பாலாவின் மரியான் என்பனவற்றை குறிப்பிட்டு சொல்லமுடியும். ரஹ்மான் பேக் என இசைப்புயலின் தமிழ் ரசிகர்கள் மீண்டும் உற்சாகமாக கூறிக்கொள்ளலாம்.