எங்க போனாலும் திட்டுறாங்க… இது வெறும் நடிப்பு… பாக்கியலட்சுமி சீரியல் கோபி உருக்கம் !

பாக்கியலட்சுமி

விஜய் தொலைக்காட்சியில் ஒளிபரப்பாகி வரும் பாக்கியலட்சுமி சீரியல் டிஆர்பி ரேட்டிங்கில் முதலிடத்தில் உள்ளது. இந்த சீரியலில் வரும் கோபி தான் இந்த சீரியலின் பரபரப்புக்கு காரணம். நெகடிவ் ரோலால் சீரியலின் டி.ஆர்.பியை எகிற வைத்துக் கொண்டிருக்கிறார் கோபி. பெயர் தான் பாக்கியலட்சுமி சீரியல் ஆனால் மொத்த கதையும் கோபியை சுற்றி தான் நடக்கிறது. இந்த சீரியலை பார்க்கும் பெரும்பாலான ரசிகர்கள் கோபியை திட்டி தீர்க்கின்றனர்.

சுப்பரான நடிப்பு

ஆனாலும் தான் ஏற்று நடிக்கும் ரோலை சிறப்பாக எடுத்து செல்கிறார் கோபியாக நடிக்கும் சதீஷ் குமார். பாக்கியலட்சுமி கோபி கதாபாத்திரம் அவரை புகழின் உச்சிக்கே எடுத்து சென்றுள்ளது. மனைவி பாக்கியலட்சுமியிடம் ஒரு மாதிரியான நடிப்பு, முன்னாள் காதலி ராதிகாவிடம் ரொமான்டிக் ஆன முகம் என கோபியாக நடிக்கும் சதீஷ் குமாரை ரசிகர்கள் கொண்டாடுகின்றனர்.

எங்க போனாலும் திட்டுறாங்க

இந்நிலையில், நடிகர் சதீஷ்குமார், தனது இன்ஸ்டாகிராம் பக்கத்தில் உருக்கமான பதிவு ஒன்றை வெளியிட்டுள்ளார். அதில், இதற்கு முன்பு ஒரு இன்ஸ்டாகிராம் கணக்கு வைத்து இருந்தேன். அதில் கண்டபடி திட்டி மெசேஜ் வந்ததால், அதை டெலிட் செய்து விட்டு புதிய கணக்கு தொடங்கினேன். தற்போது இதிலும் மனம் கஷ்டப்படுத்துற மாதிரி திட்டுறாங்க. ஒரு நடிகனா, சதீசை ஒரு மனுஷனா எனக்கு ஒரு விஷயம் புரியல. நல்ல நடிச்சாலும் தப்பு நல்ல நடிக்கலனாலும் தப்புனா நான் என்ன பண்றதுனு புரியல.

சத்தியமா ஒன்னும் புரியல

கடவுள் எனக்கு ஏதோ ஒரு திறமை கொடுத்து இருக்கிறார் அதை வெளிப்படுத்தித்தான் கோபி கதாபாத்திரத்தில் நடத்தி வருகிறேன். கோபியா நல்ல நடிச்சாலும் ...நடிக்கலனாலும் தப்பாகி விடுகிறது. சத்தியமா இந்த வாழ்க்கை பற்றி ஒன்னும் புரியல... ஏதோ கொடுத்த வேலையை ஒழுங்கா செய்கிறேன் என்ற மனதிருப்தி மட்டும் இருக்கு என்று மனவேதனையுடன் ஒரு வீடியோவை பதிவிட்டுள்ளார். அவரின் இந்த பதிவுக்கு பலர் ஆதரவு தெரிவித்து உங்கள் கதாபாத்திரத்தில் அழகாக நடிக்கிறீர்கள் என்று பாராட்டு தெரிவித்து வருகின்றனர்.