முகப்பு

தொலைக்காட்சி

சென்னை: விஜய் டிவியில் ஒளிபரப்பாகி வரும் பிரபல சீரியலான பாக்கியலட்சுமிக்கு ரசிகர்கள் மத்தியில் மிகப்பெரிய வரவேற்பு உள்ளது.

சமீபத்தில் கோவையில், ரசிகர்களை சந்தித்து உற்சாகப்படுத்திய பாக்கியலட்சுமி சீரியல் குழுவினர் அடுத்த்தாக மதுரை ரசிகர்களை சந்திக்க ஆயத்தமாகி உள்ளனர்.

மார்ச் 18ம் தேதி மாலை 6 மணி முதல் 8 மணி வரை நடைபெற உள்ள நிகழ்ச்சியில் பாக்கியலட்சுமி தொடர் நடிகர்களை மதுரையை சேர்ந்த மகளிர் நேரில் சந்தித்து உரையாடல் நிகழ்த்த முடியும் என விஜய் டிவி அறிவித்துள்ளது.

காலில் விழத் தயார்... மன்னிப்பு கேட்ட சுரேஷ் சக்ரவர்த்தி... எதுக்கு தெரியுமா?

பிக் பாஸ் பிரபலம் அறந்தாங்கி நிஷாவும் இந்த நிகழ்ச்சியில் பங்கேற்க உள்ளார்.

மதுரையில் உள்ள பிக் சினிமாஸ் கணேஷ் திரையரங்கத்திற்கு அருகில் உள்ள ஸ்ரீ வி.எஸ். செல்லம் செஞ்சுரி ஹாலில் இந்த சந்திப்பு நிகழ்ச்சி நாளை நடைபெறுகிறது.

பாக்கியலட்சுமி சீரியல் நடிகர்கள் கலந்து கொண்டு ரசிகர்களுடன் நேரடியாக உரையாடவும் விளையாடவும் காத்திருக்கின்றனர்.

இந்த நிகழ்ச்சிக்கு எந்தவொரு கட்டணமும் வசூலிக்கப்படவில்லை என்றும் அனுமதி முற்றிலும் இலவசம் என்றும் விஜய் டிவி அறிவித்துள்ளது.