பாரதி கண்ணம்மா வெண்பாவுக்கு வளைகாப்பு...பாரதியுடன் சென்று வாழ்த்திய கண்ணம்மா

கர்ப்பத்தை அறிவித்த வெண்பா

இந்த சீரியலில் வில்லி வெண்பா கேரக்டரில் நடித்து வருகிறார் ஃபரீனா ஆசாத். ஃபரீனா நிஜத்தில் கர்ப்பமாக இருப்பதாக சமீபத்தில் அறிவித்தார். இதைத் தொடர்ந்து அவர் இனி பாரதி கண்ணம்மா சீரியலில் தொடர மாட்டார். வெண்பாவின் கேரக்டர் மாற்றப்படுமா அல்லது கதையே வேறு விதமாக மாற்றப்படுமா என்பது போன்ற பல சந்தேகங்களை நெட்டிசன்கள் கிளப்பினர்.

நான் தான் நடிப்பேன்

இதற்கு பதிலளித்த ஃபரீனா, வெண்பா கேரக்டரில் தானே தொடர போவதாகவும், பிரசவத்திற்கு 2 மாதங்களுக்கு முன் பிரேக் எடுத்துக் கொண்டு பிறகு மீண்டும் நடிக்க வந்து விடுவதாக தெரிவித்தார்.

கலக்கல் ஃபோட்டோஸ்

இதைத் தொடர்ந்து சோஷியல் மீடியாவில், கர்ப்ப காலத்தை கொண்டாடும் விதமாக விதவிதமாக ஃபோட்டோஷுட் நடத்திய ஃபோட்டோக்கள் மற்றும் வீடியோக்களை வெளியிட்டு லைக்குகளை அள்ளி வருகிறார். இவரது ஃபோட்டோஷுட்கள் பாராட்டுக்களையும் பெற்று வருகின்றன.

நிஜத்திலும் வளைகாப்பு

தற்போது பாரதி கண்ணம்மா சீரியலில் மட்டுமல்ல, நிஜத்திலும் வளைகாப்பு விழா நடத்தப்பட்டுள்ளது. அது நம்ம வெண்பா ஃபரீனாவுக்கு தான். இந்த ஃபோட்டோக்கள் சோஷியல் மீடியாவில் வெளியாகின. ரசிகர்கள், நண்பர்கள் என பலரும் ஃபரீனாவுக்கு வாழ்த்து தெரிவித்து வருகின்றனர்.

கண்ணாம்மாவே வாழ்த்தினார்

இந்த வளைகாப்பு விழாவிற்கு பாரதி கண்ணம்மா சீரியலில் நடிக்கும் நடிகர் - நடிகைகள் பலரும் நேரில் சென்று ஃபரீனாவை வாழ்த்தி உள்ளனர். அதிலும் பாரதியாக நடிக்கும் அருண் பிரசாத், கண்ணம்மாவாக நடிக்கும் ரோஷினி ஹரிபிரியன், ஆரம்பத்தில் அகிலன் கேரக்டரில் நடித்த அகிலன் உள்ளிட்டோர் பரிசு கொடுத்து ஃபரீனாவை வாழ்த்தியதுடன், அவருடன் செல்ஃபியும் எடுத்துக் கொண்டுள்ளனர்.

வெண்பாவை கட்டிப்பிடித்த பாரதி

ஃபரீனாவை கட்டிப்பிடித்து வாழ்த்தும் பாரதி, சந்தனம் பூசி வாழ்த்தும் கண்ணம்மா, வாழ்த்து பாடல் பாடும் பாரதி - கண்ணம்மா போன்ற ஃபோட்டோக்கள் சோஷியல் மீடியாவில் செம டிரெண்டிங் ஆகி உள்ளன.