பிக்பாஸ் 2 : நான் பேசுறது புரிஞ்சிச்சா உங்களுக்கு? - சென்றாயனைக் கலாய்த்த கமல்!

கமல் பேச்சு:

இந்நிலையில், இன்று ஒளிபரப்பாக உள்ள எபிசோட் குறித்த ப்ரோமோ வெளியாகியுள்ளது. இதில், கமல் சென்றாயனிடம் ஆங்கிலத்தில் பேசுகிறார். ஆனால் அவர் என்ன பேசுகிறார் எனத் தெரியாமல் சென்றாயன் விழிக்கிறார்.

கலாய்த்த கமல்:

ஆங்கிலத்தில் பேசி முடித்த பின்னர், ‘நான் என்ன சொன்னேன்னு உங்களுக்கு புரிஞ்சதா? என கமல் கேட்கிறார். அதற்கு சென்றாயன் இல்லை என தலையசைக்கிறார். அதனைத் தொடர்ந்து, ‘நான் பேசுற இங்கிலீஷ் உங்களுக்குப் புரியலைண்ணா, நீங்க பேசுறது மக்களுக்கு எப்படி புரியும்?' என கலாய்க்கிறார் கமல்.

ஜாலி எபிசோட்?

இதைக் கேட்டு சென்றாயன் உட்பட அங்கிருக்கும் அத்தனை போட்டியாளர்களும் சிரிக்கின்றனர். இந்தக் காட்சிகளைப் பார்க்கும் போது, நிச்சயம் இன்றைய எபிசோட் ஜாலியாக இருக்கும் எனத் தோன்றுகிறது.

வெயிட் அண்ட் சீ:

அதேபோல், தனது பிரபலமான மூடர்கூடம் பட வசனமான, ‘ஒரு வெள்ளைக்காரன்ட தமிழ்ல பேசக்கூடாதுனு தெரிஞ்ச உங்களுக்கு, ஒரு பச்சைத் தமிழன்கிட்ட ஏன் இங்கிலீஷ்ல பேசக்கூடாதுனு தெரியல' என்பதை கமலிடன் சென்றாயன் திருப்பிக் கேட்பாரா என்பது இன்றைய நிகழ்ச்சியைப் பார்த்தால் தெரியும்.