போகிற போக்கில் பத்த வைத்து விட்டுச் சென்ற மோமோ!

வெளியேற்றம்:

தன் உடல்நிலையை காரணம் காட்சி பல டாஸ்க்குகளில் சரி வர பங்கேற்காதவர் மும்தாஜ். ஆனால் ஒவ்வொரு வாரமும் போட்டியாளர்களிடமும் அன்பைக் காட்டி தப்பித்து வந்தவர், இந்த வாரம் மாட்டிக் கொண்டார். குறைந்த வாக்கு வித்தியாசத்தில் தற்போது பிக் பாஸ் வீட்டை விட்டு வெளியேறியுள்ளார்.

அதிருப்தி:

போன் பூத் டாஸ்க்கில் மும்தாஜைத் தவிர மற்ற அனைத்து போட்டியாளர்களுமே தங்களது சக போட்டியாளர்களுக்காக பிக் பாஸ் அளித்த டாஸ்க்கை வெற்றிகரமாக நிறைவேற்றினர். ஆனால், ரித்விகாவுக்காக அளிக்கப்பட்ட டாஸ்க்கை செய்ய மறுத்து மக்களிடம் அதிருப்தியைச் சம்பாதித்தார் மோமோ.

அட்வைஸ்:

இந்நிலையில் நேற்று வீட்டை விட்டு வெளியேறும் போது, ரித்விகாவிடம் ‘தமிழ்ப் பொண்ணு, வடநாட்டுப் பொண்ணுனு வேறுபாடு காட்டாதீங்க' என கேட்டுக் கொண்டார். அதற்கு ரித்விகாவும் சளைக்காமல் தான் அப்படியெல்லாம் பேசுவதில்லை எனப் பதிலளித்தார்.

பகை:

ஏற்கனவே டாஸ்க் செய்யாமல் ரித்விகாவை நேரடியாக நாமினேசனுக்கு அனுப்பிய மும்தாஜ், வீட்டை விட்டுக் கிளம்பும் போது அவருக்கும், ஐஸ்வர்யா, யாஷிகாவுக்கும் பகையை உருவாக்கும் விதத்தில் பேசிச் சென்றுள்ளார். பிக் பாஸ் வீட்டிற்குள் ஏற்கனவே ஐஸ் மற்றும் யாஷிகா, மற்றவர்களுடன் அதிகம் சேராமல் தனித்து வாழ்ந்து வருகின்றனர் என்பது குறிப்பிடத்தக்கது.