Bigg Boss 3 எந்தநேரம் அத்தை நீ செத்தேன்னு சொன்னாரோ முகென், நடந்துடுச்சு

ரேஷ்மா

பிக் பாஸ் வீட்டிற்கு சென்ற பிறகு முதல்முறையாக நாமினேட் செய்யப்பட்ட ரேஷ்மா வெளியேற்றப்பட்டுவிட்டார். ஆம், அவர் பிக் பாஸ் வீட்டில் இருந்து கிளம்பி தன் வீட்டிற்கு சென்றுவிட்டார். முகென் ராவ் விளையாட்டாக ரேஷ்மாவை நாமினேட் செய்ய அது வினையாகிவிட்டது. ரேஷ்மா வெளியேறியுள்ளதால் பாவம் முகென் ரொம்ப ஃபீல் பண்ணுவார்.

முகென் ராவ்

ரேஷ்மாவை சும்மா நாமினேட் செய்ய அது சீரியஸாகிவிடும் என்று முகென் எதிர்பார்த்திருந்திருக்க மாட்டார். சில போட்டியாளர்கள் வாரா வாரம் நாமினேட் ஆகி காப்பாற்றப்படுவதை முகென் பார்த்திருக்கிறார். அப்படி ரேஷ்மாவும் காப்பாற்றப்படுவார் என்று நினைத்து நாமினேட் செய்தாரோ என்னவோ?. புள்ளப் பூச்சி ரேஷ்மா எப்பொழுது நாமினேஷனுக்கு வருவார் என்று பிக் பாஸ் காத்திருந்தது போன்று தெரிகிறது.

ஓட்டு

பிக் பாஸ் வீட்டில் நடக்கும் நாமினேஷன் மீது பார்வையாளர்களுக்கு சுத்தமாக நம்பிக்கை இல்லை. நாமினேட் செய்யப்படும் ஆட்களில் யாரை வெளியேற்ற வேண்டும் என்று நினைத்து நாங்கள் ஓட்டு போட்டாலும் அது நடப்பது இல்லை. எங்களின் ஓட்டுகளை தூக்கி குப்பையில் போட்டுவிட்டு அவர் இஷ்டப்படும் போட்டியாளரை எவிக்ட் செய்வதற்கு நாங்கள் எதற்காக ஓட்டு போட வேண்டும் என்று கேட்கிறார்கள் பார்வையாளர்கள்.

கவின்

முக்கோண காதல் கதை கான்செப்ட்டை இப்போதைக்கு கைவிடுவதாக இல்லை பிக் பாஸ். அதனால் கவின், சாக்ஷி, லாஸ்லியாவுக்கு தற்போதைக்கு எவிக்ஷன் என்பதே இல்லை போன்று. அவர்கள் நாமினேட் ஆனாலும் காப்பாற்றப்படுகிறார்கள். இந்த கவின் காப்பாற்றப்படுவதை பார்த்து பார்வையாளர்கள் தான் நொந்து கொண்டிருக்கிறார்கள்.