மன்னிப்பு கேட்க.. சரவணனை சேரன் காலில் விழவைத்த கமல்.. இந்த சாட்டையடியைதான் நாங்க எதிர்பார்த்தோம்!

சேரன்:

‘நான் ஹீரோவா இருந்தப்போ அவர் அசிஸ்டெண்ட் டைரக்டர். என் வீட்டு ஹால்ல வந்து உட்கார்ந்திருப்பார்' என சரவணன் நேற்றைய எபிசோட்டில் பேசி இருந்தார். அதோடு, ‘தான் படமில்லாமல் இருந்த போது, வாய்ப்பு கேட்டதற்கு சேரன் தரவில்லை' எனவும் அவர் குற்றம் சாட்டியிருந்தார்.

கமல் கண்டிப்பு:

இதையெல்லாம் குறிப்பிட்டு இன்று நிகழ்ச்சியில் சரவணனை கமல் கண்டித்திருக்கிறார். அது தொடர்பான காட்சிகள் புரொமோவில் உள்ளது. வழக்கம் போல், கமல் சரவணனை திட்டிக் கொண்டிருக்கும் போது, அமைதியாக உணர்ச்சிகளை வெளிக்காட்டாமல் தான் அமர்ந்திருக்கிறார் சேரன்.

மன்னிப்பு கேட்ட சரவணன் :

பின்னர் சமையலறைப் பகுதியில் சரவணன் இது தொடர்பாக சேரனிடம் மன்னிப்பு கேட்கிறார். சேரனின் காலில் அவர் விழப் பார்க்கிறார். அதனை சேரன் தடுக்கிறார். ஆனாலும் பிடிவாதமாக மீண்டும் அவரது காலில் விழ முயற்சிக்கிறார். பின்னர் இருவரும் சமாதானமாக கட்டிப் பிடித்துக் கொள்கின்றனர்.

காதல் பிரச்சினை:

இந்த புரொமோ மூலம் கொடுப்பதைக் கொடுத்து போட்டியாளர்களை ஒரு வழி செய்து விட்டார் கமல் என்பது தெரிய வருகிறது. அடுத்ததாக கவின் காதல் பிரச்சினையையும் அவர் இதே போல் தீர்த்து வைத்திருப்பார் என எதிர்பார்க்கப்படுகிறது. ஏனென்றால் முதல் புரொமோவில் அதனை அவர் மறைமுகமாகப் பேசி இருப்பது குறிப்பிடத்தக்கது.