நைட் 2மணிக்கு என்ன பிரண்ட்ஷிப் வேண்டி கிடக்குது? லாஸ்லியாவை நாக்கை பிடுங்கி கொள்வதுபோல் கேட்ட தர்ஷன்

2வது புரொமோ:

இந்நிலையில் இன்றைய எபிசோட்டிற்கான இரண்டாவது புரொமோ வெளியாகியுள்ளது. ஏற்கனவே முதல் புரொமோவில், ‘லாஸ்லியா என் மேல தான் தப்பு. இனி யாரும் என்கிட்ட பேச வேண்டாம்' என அழுது சீன் போட்டார். தற்போது இரண்டாவது புரொமோவிலும் லாஸ்லியா மற்றும் கவினுக்கு எதிராக சக போட்டியாளர்கள் பேசுவது போன்ற காட்சிகள் உள்ளன.

தர்ஷன் கோபம்:

வீட்டில் உள்ள சக போட்டியாளர்கள் எல்லாம் பேசுவதைப் பார்த்தால், சாக்‌ஷி பக்கம்தான் நியாயம் இருக்கும் எனத் தோன்றுகிறது. வீட்டில் நடுநிலையாளர்களாக கருதப்படும் தர்ஷன், சரவணன் மற்றும் ரேஷ்மாவும் சாக்‌ஷிக்கு ஆதரவாகவே இதில் பேசுகின்றனர். லாஸ்லியா அமைதியாக சோகமாக அமர்ந்திருப்பது போல் காட்டுகிறார்கள்.

சப்பாத்தி விவகாரம்:

‘2 மணிக்கு என்ன பிரண்ட் ஷிப் வேண்டிக் கிடக்குது?' என லாஸ்லியாவை உரிமையுடன் கண்டிக்கிறார் தர்ஷன். பிக் பாஸ் வீட்டில் தர்ஷனை தனது சகோதரன் என்றே குறிப்பிட்டு வருகிறார் லாஸ்லியா. ஏற்கனவே ஷெரின் தர்ஷனுக்காக இதய வடிவ சப்பாத்தி போட்ட சம்பவத்தில் இதே போல் தான் அதிக உரிமையுடன் நடந்து கொண்டார் லாஸ்லியா.

சரவணன் கோபம்:

சரவணனும், ரேஷ்மாவும் கூட இந்த விவகாரத்தில் கவினைக் கடிந்து கொண்டுள்ளனர். சாக்‌ஷியுடன் பிரேக் அப் ஆன உடனேயே இப்படி லாஸ்லியாவுடன் கவின் நெருக்கமாகப் பழகுவது நன்றாக இல்லை என அவர்கள் கூறுகின்றனர். இதைப் பார்க்கும் போது, லாஸ்லியா முதல் புரொமோவில் சொன்னது போல், அவர் மீது தான் தவறோ என்ற சந்தேகம் நமக்குமே வருகிறது.