Bigg Boss 3: விஜய் டிவி நிகழ்ச்சிகளை காலி செய்ய வேற யாரும் வேணாம்.. பிக் பாஸே போதும்!

கோபிநாத் நிகழ்ச்சி

பிக் பாஸ் முதல் சீசன் ஆரம்பிச்ச போது, விஜய் டிவியின் மிகப் பிரபலமான நிகழ்ச்சியான நீயா நானா நேரம் மாற்றம் செய்யப்பட்டது. இந்த நிகழ்ச்சியின் மூலம் கோபிநாத் உலகம் எங்கும் மிகப் பிரபலமானார். நேரம் மாற்றம் செய்யப்பட்ட பிறகு இந்த நிகழ்சசியின் மவுசு சுத்தமாக குறைந்து போனது என்னவோ மறுக்க முடியாத உண்மை. இனி மீண்டும் அந்த நிகழ்ச்சி அதே இடத்தை கூட இல்லை, டிவியில் தொடருமா என்பது கூட சந்தேகம்தான்.

சீசன் பை சீசன்

விஜய் டிவியின் மிகமிக சக்சஸ் சீரியல் சரவணன் மீனாட்சி தொடர்.முதல் சீசன் செந்தில்,ஸ்ரீஜா ஜோடி சேர்ந்து நடித்தார்கள். மிகப் பிரபலமான இந்த ரீல் ஜோடியை உண்மை தம்பதியாக மக்களே மாற்றி அவர்களை வாழ வைத்தும் உள்ளார்கள். இரண்டாவது சீசனில் ரக்ஷிதா, ரியோன்னு ஜோடி சேர்ந்து இது மூன்று சீசன் வரை போனது. இந்த சீசன்களை இதற்கு மேல் தொடர விடாமல் செய்ததும் பிக் பாஸ்தான். ஆனால், நிஜமா சரவணன் மீனாட்சியிலிருந்து மக்களுக்கு விடுதலை கிடைச்சுதுங்க.

எண்டு கார்டு

பிக் பாஸ் நிகழ்ச்சியால் பிரஜன் நடிச்சுக்கிட்டு இருந்த சின்னத் தம்பி சீரியலுக்கு நந்தினிக்கும் ,சின்னத் தம்பிக்கும் இரட்டை குழந்தையை குடுத்து எண்டு கார்டு போட்டுட்டாங்க. இப்படிப்பட்ட சூழலில் இரவு நேர சீரியல்கள் சில நேரம் மாற்றம் செய்யப்பட்டு உள்ளது. ராமர் வீடு போன்ற காமெடி நிகழ்ச்சிகள் நிறுத்தப் படும் சூழல்.

காட்டில் மழை

பிக் பாஸ் நிகழ்ச்சி நடக்கும் நூறு நாட்களும் விஜய் டிவி காட்டில் மழைதான்.ஆனால்,அதற்குப் பிறகு விஜய் டிவியை தூக்கி நிறுத்த ரொம்ப மெனக்கெட வேண்டும். இந்த பிக் பாஸ் நேரத்தில் தங்களது மார்க்கெட்டை நிலை நிறுத்திக்க சன் டிவி மட்டுமே எதாவது அதிரடியை அறிவித்து வருகிறது. அந்த அதிரடிகளும் சன் டிவி கையை சுட்டுக்கொள்ளாத அதிரடி எனறால் பாருங்களேன்!