உள்ளாடை பற்றிய மோசமான விமர்சனம்.. தல பட டயலாக் மூலம் மதுவிற்கு நெற்றியடி பதில் தந்த அபிராமி

மதுவின் குற்றச்சாட்டு

அதாவது மாலை நேரங்களில் அபிராமி உள்ளாடை கூட அணியாமல், மிகவும் மெல்லிய ஆடையை அணிந்து கொண்டு பிக் பாஸ் வீட்டில் உலா வந்ததாக மது குற்றம் சாட்டி இருந்தார். பிக் பாஸ் வீட்டிற்கு போன இரண்டு நாட்களிலேயே இதைக் கண்டு தான் அதிர்ச்சி அடைந்ததாகவும், இது பற்றி வனிதாவும் தானும் பேசியதாகவும் அவர் கூறியிருந்தார்.

வாட்டர் பாட்டில் குழந்தை

அதோடு, பிக் பாஸ் வீட்டில் அபிராமி வாட்டர் பாட்டிலுக்கு டயாப்பர் கட்டிக் கொண்டு, அது தனக்கும் முகெனுக்கும் பிறந்த குழந்தை எனக் கூறிக் கொண்டு சுற்றியது பற்றியும் விமர்சித்திருந்தார். பிக் பாஸ் வீட்டில் இருந்தபோதே இந்த விவகாரம் தொடர்பாக மதுவுக்கும், அபிராமிக்கும் சண்டை ஏற்பட்டது.

ஆடை விவகாரம்

தற்போது வெளியில் வந்த பிறகும் அதே விவகாரத்தை அவர் பேசியிருப்பது பரபரப்பை ஏற்படுத்தியது. அதோடு, அவர் அபிராமி மற்றும் சாக்‌ஷியின் ஆடை அணியும் முறை பற்றி கடுமையாக விமர்சித்ததும் அதிர்ச்சியை ஏற்படுத்தியது. மேலும், பிக் பாஸ் வீட்டில் அபிராமி மிக மோசமாக நடந்துக்கொண்டதாகவும் மது குற்றம்சாட்டினார்.

அபிராமி கோபம்

ஏற்கனவே, பிக் பாஸ் வீட்டில் இருந்தவரை முன்கோபக்காரர் என்ற பெயரைப் பெற்றிருந்த அபிராமி, இப்போது தான் அந்த இமேஜை மாற்றி வருகிறார். இந்த சூழ்நிலையில் அவர் மீது மது மீண்டும் இப்படி ஒரு புகார் கூறியது அபிராமியை கோபமடைய வைத்துள்ளது. இதனால் மதுவிற்கு பதிலடி தரும் வகையில் தனது சமூகவலைதளப் பக்கத்தில் அவர் பதிவு ஒன்றை வெளியிட்டுள்ளார்.

அஜித் பட வசனம்

அப்பதிவில் அவர், "ப்ளீஸ் யாராவது அவர்களுக்கு நேர்கொண்ட பார்வை படத்திற்கான டிக்கெட்டைக் கொடுங்கள். அதோடு சக போட்டியாளர்களின் ஆடை பற்றி மோசமாக விமர்சித்திருக்கும் அவர்களுக்கு ஒரு கேள்வியும் வைத்திருக்கிறேன். அதாவது, உங்களை உயர்த்திக் காண்பிக்க ஏன் மத்தவங்களை அசிங்கப்படுத்துறீங்க" என அபிராமி தெரிவித்துள்ளார்.

சரியான பதிலடி

இந்த வசனமானது அஜித்தின் நேர்கொண்ட பார்வை படத்தில் இடம் பெற்ற மிகவும் பிரபலமான வசனம் ஆகும். அதனையே இப்போது சாமர்த்தியமாக மதுவிற்கு பதிலடி கொடுக்கும் வகையில் அபிராமி பயன்படுத்தி இருக்கிறார். அபிராமியின் இந்த பதிவிற்கு மது ஏதாவது பதில் கொடுக்கிறாரா எனப் பொறுத்திருந்து பார்க்கலாம்.