அட பிக் பாஸ் வீட்ல இப்டிகூட நடக்குமா.. ரசிகர்களை ஷாக் ஆக்கிய சேரன்.. கவினுக்கு ஒரு சபாஷ் பார்சல்!

குறைகள்

வாராவாரம் இருவருமே பெரும்பாலும் ஒருவரை ஒருவர் மாற்றி மாற்றி நாமினேட் செய்து வருகின்றனர். அதோடு, சேரன் கவினைப் பற்றியும், கவின் சேரனைப் பற்றியும் குறைகளை மட்டுமே சொல்லி வருகின்றனர். இதுவரை அவர்கள் ஒருவரை ஒருவர் பாராட்டியதே இல்லை.

மிரள வைத்த கவின்

இந்நிலையில் நேற்று தரப்பட்ட சுமை தூக்கும் டாஸ்க்கில் கவின் கடைசி வரைப் போராடினார். இதுவரை இல்லாத அளவிற்கு நேற்று டாஸ்க்கில் அவர் விளையாடிய விதம் அனைவரையும் ஆச்சர்யப்படுத்தியது. இதனால் வீட்டில் இருந்த அனைத்துப் போட்டியாளர்களும் அவரைப் பாராட்டினர்.

சேரன் பாராட்டு

குறிப்பாக சேரன் பாராட்டியது மக்களை ஆச்சர்யம் அடைய வைத்துள்ளது. ‘சூப்பரா விளையாடுனடா தம்பி' என சேரன் கூறிய வார்த்தைகளைக் கேட்டு கவின் ஆர்மியினர் மயக்கம் போட்டு விழாத குறை தான். அதிலும் குறிப்பாக அவர் தம்பி எனக் கூறியதை ரீவைண்ட் மோடில் போட்டு கேட்டு வருகின்றனர் அவர்கள்.

யோசனையில் ஆர்மி

இதுவரை சமூகவலைதளப் பக்கங்களில் சேரன், கவின் ஆர்மியினர் சண்டை அதிகம் இருந்து வந்தது. இனியாவது இந்த நிலை மாறுமா இல்லை இதை வைத்தும் அவர்கள் புதிய சண்டை போடுவார்களா என்பதைப் பொறுத்திருந்து தான் பார்க்க வேண்டும்.