“பர்ஸ்ட் முதுகெலும்பை உடைக்கணும்”.. சாண்டி பற்றி சேரனோடு சேர்ந்து வனிதா போடும் டெரர் பிளான்!

புறணி

சாண்டி அணியில் இருப்பவர்கள் இளைஞர்கள் என்பதால் எப்போதும் பிக் பாஸ் வீடு ஆட்டமும், பாட்டமும் கொண்டாட்டமுமாக இருக்கிறது. இது வனிதா அணிக்கு பெரும்பாலும் பிடிப்பதில்லை. சேரன் அதிகம் மற்றவர்களைப் பற்றி புறணி பேசுவதில்லை என்றாலும், மற்றவர்கள் அவரிடம் புறணி பேசுகின்றனர். இதனால் அவரும் அவெஞ்சர்ஸ் அணியைப் பற்றி பேச வேண்டியதாகி விடுகிறது.

சதித்திட்டம்

அப்படியாக இரவு நேரத்தில் வனிதா, சேரன் மற்றும் கஸ்தூரி மூவரும் கார்டன் பகுதியில் அமர்ந்து பேசிக் கொண்டிருக்கும் வீடியோ ஒன்று சமூகவலைதளத்தில் வைரலாகியுள்ளது. இதில், ஐவர் அணியை எப்படி உடைப்பது என அவர்கள் திட்டம் போட்டுக் கொண்டிருக்கின்றனர்.

சாண்டி தான் டார்கெட்

அப்போது வனிதா, ‘முதலில் இந்த அணியின் முதுகெலும்பை உடைக்கணும்' என்கிறார். அந்த அணியின் முதுகெலும்பு என்பது சாண்டி மாஸ்டர் ஆகும். அவரை பிக் பாஸ் வீட்டில் இருந்து வெளியேற்றி விட்டால், மற்றவர்கள் அடங்கி விடுவர் என்பது அவரது திட்டம். ஆனால் கஸ்தூரியோ அந்த அணியின் பலமில்லாத ஒருவரை டார்கெட் செய்யச் சொல்கிறார்.

கஸ்தூரியின் திட்டம்

அவர் யாரைக் குறிப்பிடுகிறார் என்பது தெரியவில்லை. ஒருவேளை கவினை பற்றி அப்படி கூறலாம் எனத் தெரிகிறது. ஏனெனில் எப்போதுமே கஸ்தூரியின் டார்கெட் கவின் தான். அவருக்கும், கஸ்தூரிக்கும் அடிக்கடி முட்டிக் கொள்கிறது. கவினை எப்படியும் வெளியில் அனுப்பியே ஆக வேண்டும் என்பதில் கஸ்தூரி தெளிவாக இருக்கிறார்.

நடுநிலை சேரன்

இந்த உரையாடலின் போதும் சேரன் நடுநிலையாகவே பேசுகிறார். மக்கள் முடிவு செய்து கொள்வார்கள் என அவர் கூறுகிறார். இந்த பேச்சின் அடிப்படையில் தான் சாண்டி இந்த வாரம் முதன்முறையாக நாமினேசனுக்கு வந்துள்ளார். ஆனால், அவரை எப்படியும் அதிக வாக்குகளுடன் காப்பாற்ற வேண்டும் என்பதில் சாண்டி ஆர்மியினர் தீவிரமாக உள்ளனர்.

மாரி வீடியோ

மாரி படத்தில் வரும் காட்சி ஒன்றை வைத்து, வனிதா அண்ட் கோ பேசும் இந்த வீடியோவை அவர்கள் கலாய்த்து வருகின்றனர். பிக் பாஸ் வீட்டில் சாண்டி செய்த காமெடிகளை வைத்து இம்முறை அவருக்கு வாக்கு சேகரிக்க அவர்கள் திட்டமிட்டுள்ளனர் என்பது குறிப்பிடத்தக்கது.