Don't Miss!
- Automobiles தயவு செஞ்சு துபாய் பக்கம் வராதீங்க!விமான பயணிகளுக்கு இந்திய தூதரகம் எச்சரிக்கை!
- Lifestyle உங்க வாழ்க்கையில் நீங்க எத அதிகமா விரும்புறீங்கன்னு தெரிஞ்சுக்கணுமா? அப்ப இதுல என்ன தெரியுது சொல்லுங்க..
- Sports 42 வயதில் 311 ஸ்ட்ரைக் ரேட்! டி20 உலககோப்பைக்கு வருகிறாரா தோனி? ஓய்வை ரத்து செய்ய கேட்க போகும் BCCI
- News மக்களை ஒருமையில் பேசிய தேர்தல் அதிகாரி.. அதிரடி காட்டிய நெல்லை கலெக்டர்..வெளியே தள்ளிய போலீஸ்
- Technology சுந்தர் பிச்சையின் இன்னொரு முகம்.. Ad Blocker ஆப்களுக்கு ஆப்பு அடிச்ச Google.. யூசர்களுக்கு Warning.. இனிமேல்?
- Finance 9 GB டேட்டா ரூ. 1.20 கோடியா.. அதிர்ச்சியில் புளோரிடா தம்பதி!
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
கவின் வெளியேற்றத்தால் கொந்தளித்த ஆர்மி.. பிக் பாஸுக்கு எதிராக மெரினாவில் மாபெரும் போராட்டம்?
கவின் வெளியேற்றத்துக்கு எதிர்ப்பு தெரிவித்து அவரது ஆர்மியினர் போராட்டம் நடத்த திட்டமிட்டுள்ளதாக ஒரு பதிவு வைரலாகியுள்ளது.
Recommended Video
சென்னை: கவின் நிகழ்ச்சியில் இருந்து வெளியேறியதற்கு எதிர்ப்பு தெரிவித்து கவின் ஆர்மியினர் சென்னை மெரினா கடற்கரையில் மாபெரும் போராட்டம் நடத்த இருப்பதாக சமூகவலைதளத்தில் ஒரு பதிவு வைரலாகி வருகிறது.
பிக் பாஸ் வீட்டில் ஆரம்பத்தில் இருந்தே பல சர்ச்சைகளில் சிக்கி வருபவர் கவின். ஆனாலும் அவருக்கு ஆதரவாக சமூகவலைதளத்தில் அதிக ஆர்மிக்கள் செயல்பட்டு வருகின்றன. தொடர்ந்து கவினுக்கு ஆதரவாக அவை பதிவுகள் வெளியிட்டு வருகின்றன. அதனால் தான் பன்னிரண்டு வாரங்களாக நாமினேசனுக்கு வந்தும் அதிக வாக்குகள் பெற்று கவின் காப்பாற்றப்பட்டு வந்தார்.
அவை கவின் பணம் கொடுத்து ஓட்டு போட வைக்கும் ஆர்மிக்கள் என்ற குற்றச்சாட்டும் உள்ளது. கவினுக்கு எதிராகவும் சில ஆர்மிக்கள் செயல்பட்டு வருகின்றன.
லீக்கான புகைப்படங்கள்
இந்நிலையில் பிக் பாஸ் கொடுக்கும் ஐந்து லட்ச ரூபாயை எடுத்துக் கொண்டு பிக் பாஸ் வீட்டில் இருந்து வெளியேற கவின் முடிவெடுத்து விட்டார். நேற்று முன்தினம் இரவே அவர் பிக் பாஸ் வீட்டில் இருந்து வெளியே வந்து விட்டதாகக் கூறப்படுகிறது. அது தொடர்பான புகைப்படங்களும் இணையத்தில் வெளியாகியுள்ளன.
எதிர்பார்ப்பு
ஆனால், அது இன்னமும் எபிசோட்டில் ஒளிபரப்பப்படவில்லை. இன்று இரவு நிகழ்ச்சியில் காட்டப்படும் எனத் தெரிகிறது. இன்றைய புரொமோக்களிலும் கவின் பிக் பாஸ் வீட்டில் இருப்பது போன்ற காட்சிகளே உள்ளது.
ஆர்மியினர் சோகம்
கவினின் இந்த வெளியேற்ற முடிவால் அவரது ஆதரவாளர்கள் சோகம் அடைந்துள்ளனர். கவின் பிக் பாஸ் வீட்டை விட்டு வெளியேறக் கூடாது என அவர்கள் கோரிக்கை விடுத்து வருகின்றனர். பிக் பாஸ் வீட்டின் உண்மையான போட்டியாளர் கவின் தான். அவருக்குத்தான் டைட்டில் தரப்பட வேண்டுமென்பது அவர்களது வாதம். கவின் இல்லை என்றால் பிக் பாஸ் இல்லை என்று குறிப்பிடும் வகையில் #nokavinnobiggboss என்ற ஹேஸ் டேக்கையும் கவின் ஆர்மி நேற்றில் இருந்து சமூக வலைதளத்தில் அதிகம் பகிர்ந்து வருகின்றனர்.
மாபெரும் போராட்டம்?
இந்த சூழ்நிலையில் கவினின் வெளியேற்றத்துக்கு எதிர்ப்பு தெரிவித்து, சென்னை மெரினா கடற்கரையில் மாபெரும் போராட்டம் நடத்த அவரது ஆர்மியினர் திட்டமிட்டுள்ளதாக ஒரு பதிவு வெளியாகியுள்ளது. ஜல்லிக்கட்டுப் போராட்டத்தைப் போன்று இந்த போராட்டம் இருக்கும் என அவரது ஆதரவாளர்கள் பதிவிட்டு வருகின்றனர்.
ஜூலி பங்கேற்பு?
ஜல்லிக்கட்டு போராட்டம் மூலம் பிரபலமானவரும், பிக் பாஸ் முதல் சீசன் போட்டியாளருமாகிய ஜூலியும் இதில் பங்கேற்கிறார் என சில பதிவுகளில் குறிப்பிடப்பட்டுள்ளது. ஆனால் இது எந்தளவிற்கு உண்மை எனத் தெரியவில்லை. ஆனபோதும் இந்த பதிவு தற்போது சமூகவலைதளப் பக்கங்களில் வைரலாகியுள்ளது.
எதிர் ஆர்மியினர்
இதெல்லாம் ரொம்ப டூமச். தாங்க முடியல உங்க அலப்பறையை என கவின் ஆர்மியினரின் பதிவுகளுக்கு அவரது எதிர்ப்பாளர்கள் பதில் கமெண்ட் வெளியிட்டு வருகின்றனர். அதோடு சீக்கிரம் கவினை பிக் பாஸ் வீட்டில் இருந்து வெளியேற்றுங்கள். எங்களை ஏமாற்றி விடாதீர்கள் பிக் பாஸ் எனவும் அவர்கள் கோரிக்கை விடுத்து வருகின்றனர்.