காசு, பணம், துட்டு, மணி.. லாஸ்லியா கதறி அழ காரணமான கவினின் ‘அந்த 5 நாட்கள்’ மாஸ்டர்பிளான் இதுதான்!

கவின் வெளியேற்றம்

இந்த நிலையில் அதிரடி திருப்பமாக பிக் பாஸ் வீட்டில் இருந்து கவின் வெளியேறி உள்ளார். பிக் பாஸ் கொடுத்த ரூ.5 லட்சத்தை எடுத்துக் கொண்டு கண்ணீர் மல்க வெளியேறிவிட்டார். அவர் ஏன் இந்த முடிவை எடுத்தார் என்பது வீட்டில் உள்ளவர்களுக்கு புரியாத புதிராகவே உள்ளது.

ரசிகர்கள் அதிர்ச்சி

லாஸ்லியா, சாண்டி ஆகிய இரண்டு பேரும் எவ்வளவோ சொல்லியும் கவின் கேட்கவில்லை. நிகழ்ச்சி முடிய இன்னும் ஐந்து நாட்களே உள்ள நிலையில் கவினின் இந்த முடிவு ரசிகர்களுக்கும் பெரிய அதிர்ச்சியாக தான் இருந்தது. பொறுத்தது பொறுத்தார் இன்னும் ஐந்து நாட்கள் மட்டும் இருந்திருக்கக் கூடாதா என அவரது ஆர்மி கைய்ஸ் வருத்தப்பட்டனர்.

இது தான் மாஸ்டர் பிளான்

ஆனால் கவினின் மாஸ்டர் பிளானே அந்த ஐந்து நாட்களில் தான் அடங்கியிருக்கிறது. பிக் பாஸ் நிகழ்ச்சி ஒப்பந்தப்படி கவினுக்கு பேசப்பட்ட சம்பளம் நாள் ஒன்றுக்கு ரூ.30 ஆயிரமாம். ஆக 95 நாட்களுக்கு அவர் ரூ.28.5 லட்சம் சம்பளம் அவருக்கு ஏற்கனவே உறுதியாகிவிட்டது. மீதமுள்ள 5 நாட்களுக்கு ரூ. 1.5 லட்சம் சேர்த்தால் மொத்தம் ரூ.30 லட்சம் தான் கிடைக்கும்.

கூடுதல் பணம்

ஆனால் பிக் பாஸ் கொடுக்கும் ஆஃபரை ஒத்துக்கொண்டால் கூடுதலாக ரூ.3.5 லட்சத்தோடு, 33.5 லட்சமாக அவரது சம்பளம் உயரும். பிக் பாஸ் வீட்டிற்கு கவின் வந்ததே கடன் பிரச்சினையினால் தான். ஏழு வாரங்கள் இருந்தால் தனது கடனை அடைத்துவிடுவேன் என்றார். அதாவது ரூ.15 லட்சம் ரூபாயை சம்பாதிக்க தான் அவர் பிக் பாஸ் போட்டிக்கு வந்தார்.

கேம் ஓவர்

இப்போது கவின் சம்பாதித்திருப்பது ரூ.30 லட்சத்துக்கு அதிகமான பணம். எனவே அவர் கடன் பிரச்சினையில் இருந்து தப்பிவிடுவார். இது தான் கவினின் மாஸ்டர் பிளான் என கூறப்படுகிறது. அதனால் தான் பிக் பாஸ் வீட்டில் இருந்து வெளியேறிய போது, ‘இது போதும் என் கேம் முடிந்து விட்டது' என சூசகமாக கவின் கூறினார் என்பது குறிப்பிடத்தக்கது.