பெண்களை நீங்க நல்லா யூஸ் பண்ணிக்கிறீங்க.. கவின் மீது பாய்ந்த மது.. அப்போ சாக்‌ஷி சொன்னது உண்மைதானா?

மதுவின் குற்றச்சாட்டு:

இதில் மிகவும் கோபமாக கவினிடம் பேசுகிறார் மது. ‘பெண்களை பிக் பாஸ் வீட்டில் ஆண் போட்டியாளர்கள் அடிமையாக நடத்துகிறார்கள். தங்கள் சுயநலத்துக்காகப் பயன்படுத்திக் கொள்கிறார்கள்' என அடுக்கடுக்காக மது குற்றம் சாட்டுகிறார். கவினும் அதற்கு பதில் தருகிறார்.

வனிதா காரணம்?

லிவ்விங் ஏரியாவில் நடக்கும் இந்தப் பிரச்சினையை, ‘எனக்கு எதுவும் தெரியாதுப்பா' என்ற ரேஞ்சுக்கு அமைதியாகப் பார்க்கிறார் வனிதா. சமையல் செய்து கொண்டே அவர் சண்டையை ரசிக்கும் அழகிலேயே, பிரச்சினையை கொளுத்திப் போட்டதே அவர்தான் எனத் தெரிகிறது.

மன்னிப்பு கேட்ட அபி:

நேற்று சண்டைக்குப் பிறகு வழக்கம் போல் அபி வந்து முகெனிடம் மன்னிப்பு கேட்டார். இதனால் அப்பிரச்சினை இன்றைக்கும் தொடராது எனத் தெரிந்தது. சரி இன்று வேறு ஏதாவது ஜாலியாக டாஸ்க் பண்ணுவார்கள் என்று பார்த்தால், நம்மைக் காலி பண்ணுவது மாதிரி இன்னமும் கத்திக் கொண்டு தான் இருக்கிறார்கள்.

கோரிக்கை:

இன்னும் எத்தனை நாள் வனிதா பிக் பாஸ் வீட்டில் இருக்கப் போகிறாரோ, இன்னும் யார்யாரையெல்லாம் சண்டை போட வைக்கப் போகிறாரோ என நெட்டிசன்கள் கவலை தெரிவித்து வருகின்றனர். இப்படி சண்டையாக மட்டும் போட்டுக் கொண்டிருக்காமல், ஏதாவது ஜாலி டாஸ்க் கொடுங்க பிக் பாஸ் என அவர்கள் கோரியும் வருகின்றனர்.