மீண்டும் சிறப்பு விருந்தினர்கள்.. டிஆர்பிக்காக பிக் பாஸ் அதிரடி.. விஷபாட்டில் வேலையைக் காட்டுமா?

ரித்விகா

இந்நிலையில் பிக் பாஸ் வீட்டிற்கு கடந்த சீசனைச் சேர்ந்த இரண்டு போட்டியாளர்கள் சிறப்பு விருந்தினர்களாக செல்வது தெரிய வந்துள்ளது. கடந்த சீசன் டைட்டில் வின்னரான ரித்விகாவும், கோல்டன் டிக்கெட் வென்ற ஜனனியும் தான் அந்த போட்டியாளர்கள் எனக் கூறப்படுகிறது. இது நாளைய எபிசோடில் ஒளிபரப்பாகும் எனத் தெரிகிறது.

விஷ பாட்டில் ஜனனி

கடந்த சீசனிலுமே கூட முதல் சீசன் போட்டியாளர்களான ஆரவ், ரைசா மற்றும் ஹரீஷ் போன்றோர் சிறப்பு விருந்தினர்களாக உள்ளே சென்றனர். போன சீசனில் விஷ பாட்டில் எனப் பேர் வாங்கியவர் ஜனனி. எனவே தற்போது உள்ளே போய் அவரை வைத்து பிக் பாஸ் ஏதும் கண்டெண்ட்டுக்கு திட்டம் வைத்துள்ளாரா எனத் தெரியவில்லை.

நடுவர்கள்

பெரும்பாலும் இவர்கள் இருவரும் போட்டியாளர்களுக்கு டாஸ்க் கொடுத்து அதற்கு நடுவர்களாக இருப்பார்கள் என்றே எதிர்பார்க்கப்படுகிறது. அதோடு பிக் பாஸ் வீட்டில் தற்போது நான்கு ஆண் போட்டியாளர்கள் உள்ள நிலையில், இரண்டு பெண் போட்டியாளர்கள் மட்டுமே உள்ளே உள்ளனர்.

யாஷிகா

லாஸ்லியா, ஷெரின் என அவர்கள் இருவருக்குள்ளுமே நல்ல நட்பு எதுவும் இல்லை. எனவே, அவர்களுக்கு கம்பெனி கொடுக்கும் வகையில் ரித்விகாவும், ஜனனியும் உள்ளே சென்றுள்ளனர் எனத் தெரிகிறது. இது தொடர்பாக சமூகவலைதளத்தில் பதிவிட்டு வரும் நெட்டிசன்கள் ரித்விகா, ஜனனிக்கு பதில் ஐஸ் மற்றும் யாஷிகாவை அனுப்பும்படி கேட்டு வருகின்றனர்.