கவின் மேல கைய வச்சா லாஸ் கிட்ட இருந்து தப்பிக்க முடியுமா.. தேவையில்லாம சீண்டி விட்டுட்டீங்களே மது!

கவின் - மது சண்டை:

இந்தப் புரொமோவில் முகென் பிரச்சினையை சிலர் தங்களுக்கு சாதகமாகப் பயன்படுத்திக் கொள்ளப் பார்ப்பதாக கவின் கூறுகிறார். அதற்கு, ‘நீ என்னைத் தான் கூறுகிறாயா?' எனக் கேட்கும் மது, கூடவே ‘நாலு பொண்ணுங்களை ஏமாத்தி இந்த வீட்ல இருக்கணும்ங்கற அவசியம் எனக்கில்லை' என கத்துகிறார்.

எச்சரிக்கை:

இந்தப் பிரச்சினை அங்கு போய்க் கொண்டிருக்கும் போதே, அங்கு வருகிறார் லாஸ்லியா. கவின் பிரச்சினையில் தானும் சம்பந்தப் பட்டிருப்பதால், இந்த விவகாரம் தொடர்பாக மதுவிடம் அவர் கோபமாகப் பேசுகிறார். வழக்கம் போல் பேசிக் கொண்டே அங்கிருந்து சென்றும் விடுகிறார். ஆனால் இதுபோல் மற்ற யாரிடமும் அவர் எச்சரிக்கும் விதமாக ஆவேசமாகப் பேசியது இல்லை.

முதன்முறையாக ஆவேசம்:

பிக் பாஸ் வீட்டில் பெரும்பாலும் தனக்கான பிரச்சினைகளுக்காக மட்டும் தான் லாஸ்லியா தனது குரலை உயர்த்துகிறார். முன்பு மொட்டைக் கடுதாசி டாஸ்க்கின் போது அவர் கோபப்பட்டு பேசினார். ஆனால் இதுவரை எந்த சண்டையிலும் அவர் ஈடுபட்டதில்லை. எனவே முதன்முறையாக அவர் மதுவுடன் மோதி இருப்பது அவரது ஆர்மியை மகிழ்ச்சி அடைய வைத்துள்ளது.

லாஸ்லியா ஆர்மி:

‘கவினைச் சொன்னா லாஸ்லியா சும்மா விட்ருவாங்களா' ‘நீ தேவையில்லாம தூங்குற சிங்கத்தை தட்டி எழுப்பிட்ட மது', ‘தேவையில்லாம லாஸ்லியாவை சீண்டி விட்டுட்டீங்க மது' எனப் பல்வேறு கமெண்ட்களை அவர்கள் பதிவிட்டு வருகின்றனர். கடந்த வாரத்தைப் போலவே இந்த வாரமும் லாஸ்லியாவை அதிக வாக்குகள் பெற வைக்க வேண்டும் என அவரது ஆர்மியினர் உழைத்து வருகின்றனர் என்பது குறிப்பிடத்தக்கது.