ஓவர் மனஅழுத்தம்.. மது கையை அறுத்துக் கொண்டு தற்கொலைக்கு முயல சேரனும், கஸ்தூரியும் தான் காரணமா?

அவெஞ்சர்ஸ் அணி

கடந்த இரண்டு நாட்களாக அவர் அவெஞ்சர்ஸ் அணியுடன் சண்டை போட்டுத்தான் வருகிறார். வார்த்தைகள் எவ்வளவோ எல்லை மீறிச் சென்ற போதும், பிரச்சினை கட்டுக்குள் தான் இருந்தது. அப்படியிருக்கையில் தற்போது மதுவைத் தற்கொலை முடிவுக்கு தள்ளும் அளவுக்கு என்ன நடந்தது எனத் தெரியவில்லை.

சேரன் தான் காரணமா?

ஆனால், மதுவின் இந்த முடிவுக்கு சேரனும், கஸ்தூரியும் தான் காரணம் என சில நெட்டிசன்கள் கருத்துப் பதிவு செய்து வருகின்றனர். அவர்கள் தூண்டி விட்டதன் காரணமாகவே மது, அவெஞ்சர்ஸ் டீமுடன் மோதலில் ஈடுபட்டார். நேற்றும் கூட மௌன விரதத்தில் இருந்த மதுவை அழைத்து, வாண்டடாக தர்ஷனுடன் பேச வைத்து மற்றுமொரு பிரச்சினையை ஏற்படுத்தியது சேரன் தான்.

கவின் அண்ட் கோ

அதேபோல் கஸ்தூரியும் மது பேசியது எல்லாம் தவறு என அவருடன் வாதிட்டார். மதுவைக் குழப்பியதில் அவருக்கும் பங்கு இருக்கிறது. கவினுடன் மதுவை தங்கள் பிரதிநிதியாக இவர்கள் மோத வைத்தனர். ஆனால் அது மதுவுக்குத் தான் புரியவில்லை. கவின் அணி பேசியது தான் மதுவின் இந்த முடிவை எடுக்க வைத்திருக்கலாம் என்பது இவரது வாதம்.

வனி அக்கா பிளான்

வனிதாவும் மதுவின் இந்த நிலைமைக்கு ஒரு காரணம் தான். பிக் பாஸ் வீட்டில் ஆண்கள், பெண்களைப் பயன்படுத்திக் கொள்கிறார்கள் என்ற பிட்டை தூக்கிப் போட்டு, சத்தமில்லாமல் பற்ற வைத்ததே அவர் தான். அதைப் பிடித்துக் கொண்டு தான் மது சண்டையில் ஈடுபட்டார்.

மதுவே காரணம்

ஆனால், மதுவின் இந்த நிலைமைக்கு வேறு யாரும் காரணமல்ல. அவரே தான் காரணம் என்கிறார் இந்த நெட்டிசன். மனதளவில் மது தகுதியானவராக இல்லை. ஒரு திருமணமான பெண், டிவி நிகழ்ச்சிக்காக எல்லாம் தற்கொலை முடிவு வரை சரியில்லை என காட்டமாக கூறியுள்ளார் இவர்.