Don't Miss!
- Sports தமிழக வீரரால் நடந்த மாற்றம்.. குஜராத் அணிக்கு ஆப்பு வைத்த சுப்மன் கில்.. ஆட்டத்தை மாற்றிய ஒரு முடிவு
- Lifestyle 12 ஆண்டுகளுக்கு பின் நிகழும் குரு சுக்கிர சேர்க்கை: மே மாசம் இந்த 3 ராசிக்கு தொழில் பிரகாசிக்கப் போகுது..
- News புதிய வீடு வாங்குவோருக்கு மகிழ்ச்சியான செய்தி.. கட்டுமான நிறுவனங்களுக்கு செக்.. மத்திய அரசு அதிரடி
- Finance ஆதார் அட்டை தொலைஞ்சி போயிடுச்சா.. கவலை வேண்டாம், இதை மட்டும் பாலோ பண்ணுங்க..!
- Technology மினிமம் பேலன்ஸ் விதிகள்.. மே.1 முதல் அமல்.. உங்க அக்கவுண்ட்டில் ரூ.5000 வேண்டும்.. எந்த வங்கிக்கு எவ்வளவு?
- Automobiles அன்-ரிசர்வ் இரயில் பெட்டியை எல்லாம் அகற்ற வேண்டிய நேரம் வரும்!! பிரதமர் உறுதியா கூறியிருக்காரு!
- Education ஜூன் 16-ல் யுஜிசி நெட் தேர்வு...ஏற்பாடுகள் தயார்...!!
- Travel இந்தியாவில் உள்ள இந்த மினு மினுக்குற காட்டுக்கு போய் இருக்கீங்களா – ஒரு முறை போய் பாருங்க!
உச்சக்கட்ட எதிர்பார்ப்பில் பிக் பாஸ் ரசிகர்கள்... கூலாக வந்த கமல்... டைட்டில் வின்னர் யார்?
சென்னை: நடிகர் கமல் தொகுத்து வழங்கும் பிக் பாஸ் சீசன் 6 நிகழ்ச்சி இன்றுடன் முடிவுக்கு வருகிறது.
21 போட்டியாளர்களுடன் தொடங்கிய இந்த சீசனின் டைட்டில் வின்னர் யார் என்பதை தெரிந்துகொள்ள பிக் பாஸ் ரசிகர்கள் ஆர்வமாக காத்திருக்கின்றனர்.
இறுதிப்போட்டிக்கு ஷிவின், விக்ரமன், அசீம் மூவர் மட்டுமே தகுதிப் பெற்றுள்ளதால் இவர்களில் யார் வேண்டுமானாலும் டைட்டில் வெல்லலாம் என சொல்லப்படுகிறது.
இன்று மாலை 6 மணிக்கு விஜய் டிவியில் ஒளிபரப்பாக உள்ள பிக் பாஸ் சீசன் 6ன் இறுதி நாளுக்கான முதல் ப்ரோமோ தற்போது வெளியாகியுள்ளது.
பிக் பாஸ் சீசன் 6 இறுதிநாள்
கடந்த அக்டோபர் மாதம் 9ம் தேதி தொடங்கிய பிக் பாஸ் சீசன் 6 இன்றுடன் நிறைவடைகிறது. நடிகர் கமல் தொகுத்து வழங்கும் பிக் பாஸ் நிகழ்ச்சி, தமிழ்நாட்டின் மிகப் பெரிய ரியாலிட்டி ஷோவாக பார்க்கப்படுகிறது. ஜிபி முத்து, அசல் கோளாறு, ஷிவின், சாந்தி, மணிகண்டன், குயின்ஷி, நிவாஷினி, ஷெரினா, ஜனனி, ரச்சிதா, மகேஸ்வரி, அசீம், விக்ரமன், ராம், ஏடிகே, ராபர்ட் மாஸ்டர், அமுதவாணன், மைனா நந்தினி, ஆயிஷா, கதிர் என 21 போட்டியாளர்களுடன் பிக் பாஸ் சீசன் 6 தொடங்கியது. இந்நிலையில், தற்போது ஷிவின், விக்ரமன், அசீம் மூவர் மட்டுமே டைட்டில் வின்னர் போட்டியில் களத்தில் உள்ளனர்.
தொடங்கியது கிராண்ட் பினாலே
ஒவ்வொரு வாரமும் பிக் பாஸ் வீட்டில் இருந்து வாக்குகள் அடிப்படையில் போட்டியாளர்கள் எவிக்சன் செய்யப்பட்டனர். இறுதிப் போட்டிக்கு தகுதிப் பெற்றிருந்த கதிர் பண மூட்டையுடனும் அமுதா பணப் பெட்டியுடனும் வெளியேறினர். அவர்களைத் தொடர்ந்து மைனா நந்தினி மிட் வீக் எவிக்சனில் வெளியேறினார். இறுதியாக ஷிவின், விக்ரமன், அசீம் மட்டுமே பிக் பாஸ் டைட்டில் வின்னர் ரேஸில் களத்தில் உள்ளனர். இந்த மூன்று பேருக்குமே மக்களிடத்தில் அதிக ஆர்வம் இருப்பதால் போட்டி பலமாக இருக்கும் என எதிர்பார்க்கப்படுகிறது.
கூலாக வந்த கமல்
பிக் பாஸ் கிராண்ட் பினாலே விஜய் டிவியில் இன்று மாலை 6 மணிக்கு ஒளிபரப்பாகிறது. அப்போது டைட்டில் வின்னர் யார் என்ற உண்மை மக்களுக்கு தெரிந்துவிடும். இந்நிலையில், தற்போது பிக் பாஸ் சீசன் 6 நிகழ்ச்சியின் இறுதி நாளுக்கான முதல் ப்ரோமோ வெளியாகியுள்ளது. அதில் டைட்டில் வின்னர் யார் என்பதை அறிவிக்க கமல் ரெடியாகிவிட்டதை பார்க்க முடிகிறது. முன்னதாக ஏடிகேவின் ராப் இசையுடன் கிராண்ட் பினாலே கொண்டாட்டம் தொடங்கியது. அதில் மணிகண்டன், குயின்ஷி, மகேஸ்வரி, மைனா நந்தினி, ஜிபி முத்து, கதிர் உள்ளிட்ட ஹவுஸ்மேட்ஸ்கள் ஆட்டம் பாட்டத்துடன் நிகழ்ச்சியை தொடங்கி வைத்தனர்.
யாருக்கு 50 லட்சம்?
பிக் பாஸ் சீசன் 6 தொடங்கியபோது அதிகம் எதிர்பார்க்கப்படாத ஷிவினும் விக்ரமனும் இரண்டு வாரங்களுக்குப் பிறகு விஸ்வரூபம் எடுக்கத் தொடங்கினர். இதில் விக்ரமனின் அறம் தவறாத நேர்மையும், ஷிவினின் போராட்டமும் ரசிகர்களை அதிகம் கவர்ந்தது. அதேபோல் அசீமின் கோபம் அவருக்கு மைனஸாக இருந்தாலும், தனியாக விளையாடி ரசிகர்களை வசீகரித்துவிட்டார். அதனால் மூவருக்குமே டைட்டில் வெல்ல வாய்ப்பிருப்பதாக சொல்லப்படுகிறது.