Don't Miss!
- Automobiles சாதாரணமாவே இந்த மாருதி காரை வீட்டுக்கு மளிகை சாமான் வாங்குற மாதிரி வாங்கிட்டு இருக்காங்க.. இதுல இது வேறையா!
- Lifestyle Today Rasi Palan 20 April 2024: இன்று இந்த ராசிக்காரர்கள் பண விஷயத்தில் யோசித்து முடிவெடுப்பது நல்லது...
- News தென் சென்னையில் கள்ள ஓட்டு? பாஜக திமுக மாறி மாறி புகார்.. பெரும் பதற்றம்! என்ன நடக்கிறது
- Sports CSK vs LSG : தோனி பேட்டிங்.. அலறிய வாட்ச்.. பதறிய டி காக் மனைவி.. ரசிகர்கள் செயலால் நடந்த சம்பவம்
- Technology சுந்தர் பிச்சையின் இன்னொரு முகம்.. Ad Blocker ஆப்களுக்கு ஆப்பு அடிச்ச Google.. யூசர்களுக்கு Warning.. இனிமேல்?
- Finance 9 GB டேட்டா ரூ. 1.20 கோடியா.. அதிர்ச்சியில் புளோரிடா தம்பதி!
- Travel வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்!
- Education திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...!
சினிமா நடிகைகள் டிவி நிகழ்ச்சி செய்ய தடை… இங்கல்ல சீனாவில்!
பெய்ஜிங்: சீனாவில் டிவி நிகழ்ச்சிகளை சினிமா நடிகைகள் தொகுத்து வழங்க தடை விதிக்கப்பட்டுள்ளது. நம் ஊரில் இதே போல ஒரு தடை கொண்டு வரவேண்டும் என்று ஏங்கத் தொடங்கியுள்ளனர் இங்குள்ள தொகுப்பாளர்கள்.
டிவியில் நிகழ்ச்சிகளை தொகுத்து வழங்கும் தொகுப்பாளர்களுக்கு தனி ரசிகர்கள் உள்ளனர். சின்னத்திரை என்ற விசிட்டிங் கார்டை வைத்துக்கொண்டு சினிமாவில் நுழைபவர்கள்தான் அதிகம். எனவேதான் கல்லூரியில் படிக்கும் போது டிவி ஆங்கர் ஆகவேண்டும் என்ற கனவோடு விசுவல் கம்யூனிகேசன் படித்துவிட்டு டிவியில் தொகுப்பாளர்களாக வேலை செய்து வருகின்றனர்.
ஆனாலும் கடந்த காலங்களைப் போல இல்லாமல் சின்னத்திரையில் சினிமா நட்சத்திரங்கள் அதிக அளவில் நிகழ்ச்சிகளை தொகுத்து வழங்குகின்றனர். தமிழில் ரோஜா, ரம்யா கிருஷ்ணன், தொடங்கி குஷ்பு, சிம்ரன் என பலரும் நிகழ்ச்சிகளை தொகுத்து வழங்கினார்கள்.
சில நடிகைகள் ரியாலிட்டி ஷோக்களில் நடுவர்களாகவும் வலம் வருகின்றனர் நடிகைகள். இப்படிப்பட்ட சூழ்நிலையில் இனிமே நடிகர்கள் டி.வி நிகழ்ச்சிகளை நடத்தக் கூடாது' என்று ஒரு சட்டம் போட்டால் எப்படி இருக்கும்?!
சீனாவில் சின்னத்திரை சங்கத்தினர், நிஜமாகவே இப்படி ஒரு சட்டத்தை அமல்படுத்தியிருக்கிறார்கள். ‘நிகழ்ச்சியோட ஐடியா நல்லா இருந்தும், அதை பப்ளிசிட்டிக்காக சினிமா நட்சத்திரங்கள் கையில கொடுக்கும்போது, சொதப்பி விடுகின்றனர் என்ற புகார் சீனாவில் எழுந்துள்ளது.
ஒரு நிகழ்ச்சியைத் தொகுத்து வழங்கும் நடிகரை, இன்னொரு நிகழ்ச்சிக்கு சிறப்பு விருந்தினராக கூப்பிடும்போது, அவர்கள் அணியும் கவர்ச்சியான உடைகள் முகம் சுழிக்கும் வகையில் அமைந்துள்ளது.
நடிகைகள் தொகுப்பாளர்களாக வருவதால் இளமையான பல நல்ல தொகுப்பாளர்களுக்கு வாய்ப்பும் கிடைக்காமப் போய்விடுகிறது என்பது சின்னத்திரை தொகுப்பாளர்களின் ஆதங்கம்.
எனவே இனி திரை நட்சத்திரங்கள் டி.வி நிகழ்ச்சிகளைத் தொகுத்து வழங்கக் கூடாது!' என்று சீனா அரசாங்கம் அதிரடியாக அறிவித்துள்ளது.
அதேபோல டிவி நிகழ்ச்சிகளை நேரடியாக ஒளிபரப்பும் போது சொதப்பலாக வழங்காமல் நன்றாக பயிற்சி பெற்ற தொகுப்பாளர்களைக் கொண்டு ரெகார்ட் செய்து ஒளிபரப்ப வேண்டும் என்றும் சீனா அரசாங்கம் அறிவுறுத்தியுள்ளது.
நம் ஊர் காட்டுக்கத்தல் லைவ் ஷோக்களுக்கு இதேபோல தடைகள் வருமா என்று பலரும் மைன்ட் வாய்ஸ் மூலம் கோரிக்கை விடுத்து வருகின்றனர்.
இதேபோல இந்தியாவில் அறிவிப்பு வருமா?