கடந்த வார டிஆர்பி ரேட்டிங்கை பார்த்தீங்களா... தொடர்ந்து எந்த சீரியல் முன்னிலையில் இருக்குன்னு பாருங்க!

நிகழ்ச்சிகளுக்கு இணையான சீரியல்கள்

ஒவ்வொரு சேனலிலும் நிகழ்ச்சிகளுக்கு இணையான வரவேற்பை, சீரியல்கள் பெற்று வருகின்றன. சமயத்தில் அதிக மெனக்கெடல்களுடன் எடுக்கப்பட்டு ஒளிபரப்பாகும் நிகழ்ச்சிகளை காட்டிலும் சீரியல்கள் சிறப்பான வரவேற்பை ரசிகர்களிடையே பெற்று விடுகின்றன.

சீரியல்களின் வெற்றி

நம் வீட்டில் நடக்கும் பிரச்சினைகளை காட்டிலும் அடுத்தவர் வீடுகளில் என்ன நடக்கிறது என்பதை தெரிந்துக் கொள்ள மனித மனம் விருப்பம் காட்டும். இந்த மனநிலையே சீரியல்களின் வெற்றியாக காணப்படுகிறது. ஒரு முக்கியமான கேரக்டர், அந்த கேரக்டரின் வலி, உறவுகள் உள்ளிட்டவற்றை கதைக்களங்களாக கொண்டு இந்த தொடடர்கள் ஒளிபரப்பாகி வருகின்றன.

தினந்தோறும் சீரியல்கள்

அந்த வகையில் தொலைக்காட்சிகளில் வாரந்தோறும் ஒளிப்பரப்பாகி வந்த இத்தகைய சீரியல்கள், தினந்தோறும் ஒளிபரப்பப்பட்ட போதும்கூட ரசிகர்கள் தங்களது வேலைகளை விட்டுவிட்டு தொடர்களை பார்ப்பது அதிகரித்துள்ளது. ரசிகர்களை உள்ளத்தை கவர்ந்த இந்த சீரியல்களின் வெற்றியை கணக்கில்கொண்டு டிஆர்பி ரேட்டிங்குகள் வழங்கப்படுகின்றன.

கயல் தொடர் முன்னிலை

அந்த வகையில் வாரந்தோறும் முன்னிலையில் இருக்கும் சீரியல்களை கணக்கில் கொண்டு டிஆர்பி ரேட்டிங் வெளியிடப்படப்பட்டு வருகின்றன. இந்தவாரம் வெளியாகியுள்ள இந்த ரேட்டிங்கில் சன் டிவியின் கயல் தொடர் தொடர்ந்து முன்னிலை வகித்து வருகிறது. சமீப வாரங்களில் இந்த தொடர் தொடர்ந்து முன்னிலையில் உள்ளது.

4வது இடத்தில் விஜய் டிவி தொடர்கள்

அடுத்தடுத்த இடங்களையும் சன் டிவியின் வானத்தை போல மற்றும் சுந்தரி தொடர்கள் பிடித்துள்ளன. விஜய் டிவியில் பாக்கியலட்சுமி மற்றும் பாண்டியன் ஸ்டோர்ஸ் தொடர்கள் 4வது இடத்தை பிடித்துள்ளது. இந்த இரண்டு தொடர்களும் இணைந்து மகா சங்கமம் நடத்திய நிலையிலும் 4வது இடத்தையே பிடிக்க முடிந்துள்ளது.

பாரதி கண்ணம்மா தொடர்

இதையடுத்து 5வது இடத்தில் விஜய் டிவியின் பாரதி கண்ணம்மா தொடர் உள்ளது. இந்தத் தொடரில் தொடர்ந்து ஒரே மாதிரியான கதைக்களம் மற்றும் கண்ணம்மாவாக நடித்த ரோஷினியின் விலகல் உள்ளிட்ட காரணங்களால் முதல் இடத்தை இந்த தொடர் தற்போது நழுவ விட்டுள்ளது. தற்போது மீண்டும் பரபரப்பான எபிசோட்களை இந்த தொடர் வழங்கி வருகிறது. வரும் வாரங்களில் மீண்டும் முன்னிலையை பிடிக்குமா என்று பொறுத்திருந்துதான் பார்க்க வேண்டும்.