அம்மா ஆனார் சின்னத்திரை சுஜிதா!

பாக்கியராஜ் படத்தில் சின்ன வயதில் அறிமுகமானவர் சுஜிதா. சினிமாவில் குழந்தை நட்சத்திரமாகக் கலக்கிய அவர் தொலைக்காட்சிகளின் வரவிற்குப் பின்னர் சீரியல்களில் கவனம் செலுத்தினார். சன், கலைஞர், உள்ளிட்ட பிரபல தொலைக்காட்சி சேனல்களின் நெடுந்தொடர்களில் நடித்த அவருக்கு மூன்று ஆண்டுகளுக்கு முன்பு விளம்பரபட இயக்குநர் தனுசுடன் திருமணம் நடக்கவே சீரியலில் இருந்து சற்று ஒதுங்கியே இருந்தார்.

தற்போது மீண்டும் நெடுந்தொடர்களில் கவனம் செலுத்தி வரும் சுஜிதா சன் தொலைக்காட்சியில் வரும் மருதாணி சீரியலில் மீனாட்சியாக வெளுத்து வாங்குகிறார்.

தற்போது சினிமாவில் இரண்டாவது ரவுண்டு தாண்டவம் படத்தில் விக்ரமின் தங்கையாக நடிக்க ஒப்பந்தம் ஆகியிருக்கிறார். கணவரின் அன்பு, பாசமழையில் நனைந்து கொண்டிருக்கிறாராம். இதை சுஜிதாவே பகிர்ந்து கொண்டுள்ளார். கூடுதலாக ஒரு போனஸ் தகவல் சுஜிதா இப்போ அம்மா ஆகிவிட்டாராம்!