காஸ்ட்லி பைக்கை திருட்டு கொடுத்த குக் வித் கோமாளி பிரபலம்...ஆறுதல் சொல்லும் ரசிகர்கள்

குக் வித் கோமாளி பிரபலம்

குக் வித் கோமாளியில் போட்டியாளர்களை விட கோமாளிகள் தான் அதிக பாப்புலர். அப்படி பாப்புலரான கோமாளிகளில் ஒருவர் தான் மணிமேகலை. இவர் சன் டிவி, சன் மியூசிக் ஆகியற்றில் தொகுப்பாளராக இருந்து, தற்போது விஜய் டிவியில் குக் வித் கோமாளி நிகழ்ச்சி மூலம் பிரபலமாகி உள்ளார். விஜய் டிவி.,யில் சில நிகழ்ச்சிகளையும் தொகுத்து வழங்கி வருகிறார்.

பைக் திருட்டு போச்சு

மணிமேகலையும் அவரது கணவர் ஹுசைனும் சேர்ந்து யூட்யூப் சேனல் ஒன்றை நடத்தி வருகிறார்கள். அதோடு சோஷியல் மீடியாவிலும் ஆக்டிவாக இருக்கும் மணிமோகலை தனது போட்டோக்கள், ரீல் வீடியோக்கள் போன்றவற்றை தொடர்ந்து பதிவிட்டு வருகிறார். இந்நிலையில் நேற்று, தங்களின் காஸ்ட்லி பைக் திருடு போய் விட்டதாக அவர் இன்ஸ்டாகிராமில் போட்டோவுடன் பதிவிட்டிருந்தார்.

கஷ்டப்பட்டு சம்பாதிச்சது

அதில், அதிகாலை எங்களின் பைக் திருடு போய் விட்டது. அசோக் நகர் அருகே நண்பரின் இடத்தில் நிறுத்தி வைக்கப்பட்டிருந்த போது காணாமல் போய் உள்ளது. திருமணத்திற்கு பிறகு கஷ்டப்பட்டு சம்பாதிச்சு, ஆசையா வாங்கின ஃபர்ஸ்ட் பைக். மிகவும் கவலையாக உள்ளது. வருஷத்துக்கு ஒரு சம்பவம் எங்க இருந்து தான் வருதோ என பதிவிட்டுள்ளார். மேலும் தேவையான நடவடிக்கைகள் எடுக்கப்பட்டு வருவதாகவும் தெரிவித்து, தானும் தனது கணவரும் பைக்குடன் எடுத்துக் கொண்ட போட்டோக்களை பதிவிட்டிருந்தார்.

ஆறுதல் சொல்லும் ரசிகர்கள்

இதை பார்த்த ரசிகர்கள், கவலைப்படாதீர்கள் என பலரும் ஆறதல் கூறு வருகிறார்கள். நல்லதே நடக்கும். கஷ்டப்பட்டு சம்பாதித்தது வீணாகாது. நிச்சயம் உங்கள் பைக் திரும்ப கிடைக்கும். கஷ்டப்பட்டு வந்தது அவ்வளவு சீக்கிரம் போகாது. பாசிடிவாக இருங்கள் என கமெண்ட் செய்துள்ளனர்.