சிம்ரன் நடுவராக கலக்கும் டான்ஸ் தமிழா டான்ஸ்

By Mayura Akilan

Published: Tuesday, July 29, 2014, 18:27 [IST]

ஜீ தமிழ் தொலைக்காட்சியில் டான்ஸ் தமிழா டான்ஸ் லிட்டில் மாஸ்டர்ஸ் நிகழ்ச்சி ஒளிபரப்பாகத் தொடங்கியுள்ளது.

ஜீ தமிழ் தொலைக்காட்சியில் சிம்ரன் நடத்திய டான்ஸ் தமிழா டான்ஸ் நிகழ்ச்சிக்கு நல்ல வரவேற்பு இருந்தது. சிம்ரன் தயாரித்து நடுவராக இருந்து நிகழ்ச்சியை நடத்தினார்.

தற்போது 14 வயதுக்குட்பட்ட சிறுவர்கள் பங்கேற்கும் சீசன் 2 டான்ஸ் தமிழா டான்ஸ் தொடங்கியுள்ளது. இறுதிக்கட்ட தேர்வில் வெற்றி பெற்ற குழந்தைகள் இனிவரும் வாரங்களில் நடனமாட உள்ளனர்.

நடுவராக சிம்ரன்

டான்ஸ் தமிழா டான்ஸ் நிகழ்ச்சி ஜீ தமிழ் தொலைக்காட்சியில் சனி, ஞாயிறுகளில் இரவு 8 மணிக்கு ஒளிபரப்பாக உள்ளது. இந்த நிகழ்ச்சியில் சிம்ரனும், நடன இயக்குநர் சின்னி பிரகாஷ் அவர்களும் நடுவராக பங்கேற்கின்றனர்.