Poove poochuda va serial: தினம் தினம் தனம் தனம்.. சந்தோஷ சிவா!

சேர்ந்து பிறந்த நாள்

சிங்கிளாக கொண்டாடினாலே அதகளப்படும்.. அதுவும் சிவாவுடன் இணைந்து என்றால் கேட்கவா வேண்டும். இருவரும் சேர்ந்து கலக்கி விட்டனராம். இந்த சந்தோஷத்தை சமூக வலைதளங்களிலும் பகிர்ந்து கொண்டுள்ளது இந்த பாசக்கார ஜோடி. இருக்காதா பின்னே.. காதலும் காதலும் சேர்ந்து கொண்டாடிய பிறந்த நாள் அல்லவா.. சும்மா சொல்லக் கூடாது.. அன்பு நிறையவே பொங்கி வழிந்துள்ளது.

2010ம் ஆண்டிலிருந்தே

அந்த பிறந்த நாள் கொண்டாட்ட படத்துடன் தனம் எழுதிய மெசேஜ்தான் சூப்பரானது. "நன்றி சிவா. எனது பிறந்த நாளை சிறப்பாக்கி விட்டீர்கள். எப்போதுமே என்னை ஏமாற்றியதே இல்லை நீங்கள். 2010ம் ஆண்டிலிருந்தே இப்படித்தான். இந்த வருடம் மிகமுக்கியமானதாக மாறி விட்டது. நடுக் கடலில் கேக் வெட்டியதை மறக்க முடியாது சிவா.. டன் கணக்கில் நன்றி என்று கூறி சிலாகித்துள்ளார் தனம்.

தனம் பிறந்த நாளை

உண்மையில் தனம் பிறந்த நாளை வித்தியாசமாக கொண்டாட நினைத்த சிவா கடலோரத்தில் அதற்கான ஏற்பாடுகளைச் செய்துள்ளார். அங்கு வைத்து பிறந்த நாள் கொண்டாட்டம் என்று அவர் கூறியபோது தனம் ஆச்சரியமாகி விட்டாராம். கூடவே குஷியும். அத்தோடு நிறைய கிப்ட்டுகள் வேறு.. பெண் மனசு பூரிச்சுப் போக இதை விட வேறென்ன வேண்டும்.

மனசையும் சேர்த்து

அத்தோடு ஒரு அழகான வைர மோதிரத்தையும் தனத்தின் விரலில் மாட்டி அழகு பார்த்துள்ளார் சிவா.. காதலன்னா இப்படித்தாய்யா இருக்கணும்.. வைர மோதிரத்தோடு மனசையும் சேர்த்து மாட்டி விட்டுட்டாரு பாருங்க. கடந்த 9 வருடமாக காதலில் மூழ்கி முத்தெடுத்துக் கொண்டுள்ளது இந்த காதல் ஜோடி. இதனால் நன்கு ஆழமாக வேறூன்றியுள்ளதாம் அன்பும்.

அனு கேரக்டரில்

பூவே பூச்சூடவா சீரியலில் தற்போது அனு என்ற கேரக்டரில் நடித்துக் கொண்டிருக்கிறார் தனம். ரொம்பப் பிரபலமான வேடம் இது. அதேபோல யாழினி, தாமரை, சினிமா ஜங்கஷனிலும் இவர் அசத்தியுள்ளார். ஆர்.கே.செல்வமணி - ரோஜா போல தனமும் - சிவாவும் காலம் காலத்திற்கும் சந்தோஷமாக வாழட்டும்.. வாழ்த்துவோம் வாங்க.