மாமியாரே இந்த ஆட்டம் ஆடுனா எப்படி..ஈரமான ரோஜாவே சீரியல் நடிகையை கிண்டலக்கும் நெட்டிசன்ஸ்!

ஈரமான ரோஜாவே

ஈரமான ரோஜாவே முதல் பாகம் மிகப்பெரிய வெற்றி பெற்றத் தொடராக இருந்தது. இந்த தொடரில் பவித்ரா, புதுமுக நடிகர் திரவியம், சியாம், சாய் காயத்ரி, பிரேமலதா, பிரவீன் உட்பட பல நடிகர்கள் நடித்து இருந்தார்கள். ஒரு தன் வாழ்க்கையில் நடக்கும் பிரச்சனைகளையும் அதை சமாளித்து எப்படி முன்னேறுகிறாள் என்பதுதான் ஈரமான ரோஜாவேயின் கதை. இந்த சீரியல் கடந்த ஆண்டு தான் முடிவுக்கு வந்தது.

ஈரமான ரோஜாவே 2

முதல் பாகத்தின் வெற்றியை தொடர்ந்து தற்போது வித்தியாசமான கதைக்களத்துடன் ஈரமான ரோஜாவே இரண்டாம் பாகத்தை ஒளிபரப்பி வருகிறார்கள். இதில் இரண்டாம் சித்தார்த், கேப்ரில்லா, ஸ்வாதி கொண்டே என பல நடிகர்கள் நடிக்கிறார்கள். இந்த தொடரும் ஆரம்பித்த நாளில் இருந்து தற்போது வரை ரசிகர்கள் மத்தியில் நல்ல வரவேற்பை பெற்றிருக்கிறது.

நடிகை மீனா வேமுரி

இந்த தொடரில், பிரியா, காவ்யாவுக்கு மாமியாராக பார்வதி என்ற ரோலில் நடித்து வரும் நடிகை மீனா வேமுரி இதற்கு முன்பு சன் டிவி, ஜீ தமிழில் ஒளிப்பரப்பான பல தொடர்களில் நடித்துள்ளார். அதுமட்டுமில்லை சினிமாவிலும் துணை நடிகையாக வலம் வருகிறார். தெலுங்கு, கன்னட மொழிகளிலும் நடிக்கிறார். சிவகார்த்திகேயன் நடித்த ரஜினி முருகன் படத்தில் முக்கியமான ரோலில் நடித்து இருக்கிறார் நடிகை மீனா வேமுரி.

செம ஆட்டம்

இந்நிலையில்,இணையத்தில் படு ஆக்டிவாக இருக்கும் நடிகை மீனா வேமுரி, தனது இன்ஸ்டாகிராம் பக்கத்தில் விதவிதமான பாடலுக்கு ஆட்டம் போட்டுள்ளார். சீரியலில் தழையத்தழைய புடவைக்கட்டிக்கொண்டு வரும் நடிகை மீனா வேமுரி, மாடர்ன் உடையில் விதவிதமான புகைப்படத்தையும் எடுத்து பகிர்ந்துள்ளார். இவரது இன்ஸ்டா பக்கத்தை பார்த்த ரசிகர்கள் மாமியாரே இப்படி ஆடலாமா என நக்கலடித்து வருகின்றனர்.