ட்விஸ்ட்ன்னா இது தான் ட்விஸ்ட்...கோபிக்கு பாக்யா வச்சு செம ஆப்பு...இதை யாருமே எதிர்பார்க்கல

பாக்யாவை துரத்த துடிக்கும் கோபி

ஒட்டுமொத்த குடும்பமும் பாக்யாவுடன் வாக்குவாதம் செய்கிறது. இனியா, பாக்யா வீட்டை விட்டு போக கூடாது என தடுத்து, கதறி அழுகிறாள். மாமியார், மாமனார், ஜெனி என அனைவரும் பாக்யாவிடம் சென்டிமென்டாக, கோபமாகவும் வாக்குவாதம் செய்கிறார்கள். ஆனால் கோபி, பாக்யாவை வீட்டை விட்டு துரத்துவதில் குறியாக இருக்கிறார்.பாக்யா, கோபியிடம் அவமானப்படுவதை தாங்க முடியாமல், வா போகலாம் என கூப்பிடுகிறார் எழில்.

இனியாவிடம் பாக்யா கேட்கும் கேள்வி

கடந்த வாரம் முழுவதும் இப்படியே மாறி மாறி பேசிக் கொண்டிருக்கிறார்கள். பாக்யாவுடன் பெட்டியில் துணிமணிகளுடன் வந்து விட்டார். எல்லோரும் பேசி முடித்து விட்ட பிறகு பாக்யா பேச துவங்குகிறார். அட என்னப்பா இப்படி மாறி மாறி பேசிக்கிட்டே இருக்கீங்க...அடுத்து என்னன்னு சொல்லுங்கப்பா என ரசிகர்கள் கடுப்பாகி கேட்டு வந்தனர். இந்த சமயத்தில் இனியாவிடம், உனக்கு அப்பா கூட இருக்கனுமா? அம்மா கூட இருக்கனுமா என பாக்யா கேட்கும் சஸ்பென்சுடன் கடந்த வார எபிசோட் முடிகிறது. இந்நிலையில் இந்த வாரத்திற்கான ப்ரொ வெளியிடப்பட்டுள்ளது.

இது செம ட்விஸ்டா இருக்கே

அதில் கோபி, இனி மேலும் என்னால் பொறுத்துக் கொண்டிருக்க முடியாது என பெட்டியை தூக்கி, வெளியே வீசி விட்டு, பாக்யாவையும் வெளியே தள்ளி முயற்சி செய்கிறார். ஆனால் வெளியே விழும் பெட்டி ஓப்பனாக, அதில் பாக்யாவின் டிரெஸிற்கு பதிலாக கோபியின் டிரெஸ் தான் இருக்கிறது. இதனால் ஒட்டுமொத்த குடும்பமே ஷாக்காகி நிற்கிறது. ஷாக்குடன் கோபமான கோபி, என்ன தைரியம் இருந்தால் என்னுடைய டிரெசை பேக் செய்திருப்பார் என பாக்யாவை அடிக்க கை ஓங்குகிறார்.

சபாஷ் பாக்யா...சரியான பதிலடி

கோபியின் அப்பா, அவரை தடுத்து விடுகிறார். இப்போது பேச துவங்கும் பாக்யா, நான் எதற்காக வெளியே போக வேண்டும்.காலம் காலமாக ஆண்கள் தவறு செய்வதற்கு, பெண்கள் கண்ணீருடன் நடுத்தெருவில் நிற்க வேண்டுமா? என கோபியை நேருக்கு நேர் நிற்க வைத்து கேள்வி கேட்கிறார்.இதற்கு கோபியின் அப்பா ராமமூர்த்தி சபாஷ் பாக்யா என்கிறார். ஒட்டுமொத்த குடும்பமும் எதிர்பாராத இந்த திருப்பத்தால் உறைந்து நிற்கிறது.

அடுத்து என்ன நடக்க போகிறது?

இந்த ப்ரொமோவை பார்த்து விட்டு, நெட்டிசன்களும் பாக்யாவிற்கு சபாஷ் போட்டு வருகின்றனர். இந்த ட்விஸ்ட்டை எதிர்பார்க்கலியே. பாக்யா பெட்டியுடன் புறப்பட்டதும், வீட்டை விட்டு எழிலுடன் வெளியே போய், சம்பாதித்து கோபி முன்னாள் முன்னேறி காட்டுவார் என அனைவரும் நினைத்துக் கொண்டிருந்தால், யாருமே எதிர்பாராமல் கதையை வேறு டிராக்கில் மாற்றி விட்டாரே டைரக்டர் என பலரும் உற்சாகமாக இந்த வார எபிசோட்களை பார்க்க ஆவலாக காத்திருக்கின்றனர்.