பாரதி கண்ணம்மா தொடரில் இதுதாங்க வேணும்... ரசிகர்கள் தொடர் கோரிக்கை!

பாரதி கண்ணம்மா தொடர்

விஜய் டிவியின் நிகழ்ச்சிகள் மட்டுமின்றி தொடர்களும் ரசிகர்களின் விருப்பத்திற்குரியவையாக உள்ளன. குறிப்பாக இந்த சேனலில் ஒளிபரப்பாகி வரும் பாரதி கண்ணம்மா எப்போதும் ரசிகர்களின் எவர்கிரீன் பேவரைட்டாக காணப்படுகிறது. இந்த தொடரில் தொடர்ந்து ரசிகர்களை எப்போதும் பரபரப்பாக வைத்திருப்பதில் சிறப்பாக செயல்பட்டு வருகிறார் இயக்குநர்.

பிரிந்துள்ள நாயகன், நாயகி

இந்த தொடரில் சந்தேகம் காரணமாக நாயகனும் நாயகியும் பிரிந்து வாழ்ந்து வருகின்றனர். தன்னுடைய குழந்தைக்கு அப்பா பாரதிதான் என்று சமீபத்தில் கண்ணம்மா அனைவர் முன்னிலையிலும் தெரிவிக்க, அதை மறுத்தார் பாரதி. மேலும் தான் வளர்ப்பு குழந்தையாக வளர்த்துவரும் குழந்தை குறித்த உண்மையும் அவருக்கு தெரியாமல் உள்ளது.

சதி வேலையில் வெண்பா

இவர்களது இந்த பிரிவை வைத்து, பாரதியை அடைய முயல்கிறார் வெண்பா. அதையொட்டி அவரது சதி வேலைகளும் காண்பவர்களை மிகவும் பரபரப்புக்கு உள்ளாக்கி வருகிறது. சமீபத்தில் குழந்தை ஹேமாவிற்கு பிரியாணி தந்து தன்பக்கம் இழுக்க முயல்கிறார் ஹேமா. இதையொட்டிய வாக்குவாதத்தில் அவரை அறைந்து விடுகிறார் கண்ணம்மா.

கோபத்தில் பாரதி

அந்த நேரத்தில் அங்குவரும் பாரதி, கண்ணம்மாவை கண்டிக்கிறார். ஹேமாவிடம் கண்ணம்மாவிற்கு எந்த உரிமையும் இல்லை என்று கோபத்தில் கத்திவிட்டு வெண்பாவுடன் அங்கிருந்து சென்று விடுகிறார். இத்தகைய காட்சிகள் தொடரின் விறுவிறுப்புக்கு துணையாக இருக்கின்றன.

ரசிகர்களின் கேள்வி

ஆயினும் தன்னுடைய குழந்தைகள் லஷ்மி மற்றும் ஹேமா குறித்த உண்மையை பாரதிக்கு விளங்க வைக்க கண்ணம்மாவின் அடுத்தடுத்த நடவடிக்கைகள் எதுவும் பலிக்காமல் போகிறது. இந்த உண்மை எப்போதுதான் பாரதிக்கு தெரியவரும் என்பதே ரசிகர்களின் கேள்வியாக உள்ளது.

Recommended Video

இந்த படத்தில் நடிக்கத்தான் Serial விட்டு விலகினாரா Prajin | Vaithegi Kathirundhal, Chinna Thambi

பாரதிக்கு உண்மை தெரிய வேண்டும்

தொடர்ந்து இந்த ஒரே விஷயத்தை வைத்தே கதையை நகர்த்தாமல், பாரதிக்கு உண்மையை தெரிய வைக்க வேண்டும் என்று ரசிகர்கள் கோரிக்கை வைத்து வருகின்றனர். ஹேமா யாருடைய குழந்தை என்பது பாரதிக்கு தெரியவர வேண்டும் என்பதும் அவர்களது கோரிக்கையாக உள்ளது.