Kalyana veedu serial: கோபி வந்துட்டார் இனி சீரியல் களைக்கட்டுமா?

ராஜா ரோஜா

ராஜாவை கல்யாணம் செய்துக்க ரோஜா என்ன கிரிமினல் முறைகளை கையாண்டாளோ, அதை விட பல மடங்கு கிரிமினல்களை ராஜா சூர்யாவை கல்யாணம் செய்துக்க செய்து வர்றான்.கோபி குடும்பத்தையே கடத்தி வந்து, மகாபலிபுரத்தில் செல்வத்துக்கு தெரிந்த ரெசார்ட்டில் தங்கவச்சுட்டு கல்யாண வேலைகளை பார்க்கிறான்.

ஸ்வேதா ரோஜா

ரோஜா ஆஸ்பத்திரியில் இருந்து ஸ்வேதாவுடன் தப்பிச்சு வந்துடறா.அக்கா சூர்யாவை ராஜாவிடம் இருந்து காப்பாத்த செல்வத்தின் ஆளை பின் தொடர்ந்து வந்து, ராஜாவுக்கும், சூர்யாவுக்கும் மகாபலிபுரத்தில்தான் கல்யாணம் நடக்கிறது என்று தெரிந்து ஸ்வேதாவுடன் அங்கு வந்துடறா.

கோபியும் அந்த பெண்ணும்

ஒரு ரெசார்ட்டில் ரோஜா, ராஜா தங்கி இருக்கானான்னு செக் பண்ணிக்கிட்டு இருக்கும்போது, கோபி அந்த பெண்ணுடன் வெளியில் நின்று காபி சாப்பிட்டுக்கொண்டு நிக்கறான். இதை ரோஜாவும், ஸ்வேதாவும் கவனிக்காமல் இருக்க, கடைசியில் இவர்கள் வெளியில் போகும் போது கோபி அங்கு இல்லை.

கோபி வரட்டும்

கோபி வந்தால்தான் அவன் ஸ்வேதாவின் அண்ணனுக்கு செய்து கொடுத்த சத்தியம் செல்லுமா, அவன் ஸ்வேதாவை கல்யாணம் செய்துக்குவானா, இல்லை காதலிச்ச சூர்யாவை கல்யாணம் செய்துக்குவானா போன்ற கேள்விகளுக்கு எல்லாம் விடை தெரியும்.

அண்ணன் ஸ்வேதா

ஸ்வேதா கோபியை சூர்யாவுக்கு விட்டுத் தருவாளா, ஸ்வேதாவின் அண்ணன் தனது தங்கச்சியைத்தான் கோபி செய்து குடுத்த சத்தியத்தின் படி கல்யாணம் செய்துக்கணும் என்று சண்டைக்கு வருவானா என்றும் தெரியும். ஆனால், கோபியுடன் கோபி மாட்டிகிட்டு இருக்கான் என்பதைம் இனிமேல்தான் பார்க்க முடியும்.

இப்போது கோபியின் கல்யாண விஷயம் முடிவுக்கு வருமா, இல்லை இன்னும் இழுத்துகிட்டே போகுமான்னு போகப் போகத்தான் தெரியும்.