மேட்ச் ஃபிக்சிங் கேள்விப்பட்டிருப்பீங்க, பிக் பாஸ் ஃபிக்சிங் தெரியுமா?

ஐஸ்வர்யா

முந்தைய வாரம் யாஷிகாவை வெளியேற்ற ஓட்டு போட்ட பார்வையாளர்கள் நித்யா வெளியேறியதை பார்த்து ஏமாற்றம் அடைந்தனர். நேற்று ஐஸ்வர்யா வெளியேறுவார் என்று வாக்களித்து காத்திருந்தால் ரம்யாவை வீட்டிற்கு அனுப்பி வைத்துவிட்டனர். தானாக முடிவு எடுப்பது என்றால் எங்களை ஏன் ஓட்டு போடுமாறு கூற வேண்டும் என்று பார்வையாளர்கள் கோபம் அடைந்துள்ளனர்.

கிளாமர்

யாஷிகா, ஐஸ்வர்யா ஆகிய இருவரும் வட நாட்டு பெண்கள். குட்டி, குட்டியாக உடை அணிந்து கவர்ச்சி காட்டுகிறார்கள். மகத்தும், ஷாரிக்கும் அவர்களை சுற்றி வருகிறார்கள். கிளாமருக்காக அவர்களை பிக் பாஸ் காப்பாற்றிவிட்டார். இது பிக் பாஸ் ஃபிக்சிங் என்று பார்வையாளர்கள் குமுறிக் கொண்டிருக்கிறார்கள்.

ஃபிக்சிங்

வீட்டில் உள்ளவர்கள் எப்படி நடிக்க வேண்டும் என்று ஸ்கிரிப்ட் எழுதிக் கொடுத்தது போன்று யாரை வெளியேற்ற வேண்டும் என்பதையும் பிக் பாஸ் 2 நிகழ்ச்சி ஏற்பாட்டாளர்கள் ஏற்கனவே முடிவு செய்துவிட்டு பெயருக்கு வாக்களிக்குமாறு கூறுகிறார்கள் என்ற குற்றச்சாட்டு எழுந்துள்ளது.

பேராதரவு

பிக் பாஸ் வீட்டிற்குள் இருந்தபோது கூட ரம்யாவுக்கு இவ்வளவு ஆதரவு இல்லை. ஆனால் அவர் பிக் பாஸ் வீட்டில் இருந்து வெளியேற்றப்பட்ட பிறகு அவருக்கு ஏராளமானோர் ஆதரவு தெரிவித்துள்ளனர். அடேங்கப்பா, ரம்யாவுக்கு இவ்வளவு ஆதரவா என்று பிரமிக்க வைத்துவிட்டனர்.