எனக்கு 'ஐட்டம்' டான்ஸ் வராது… நாதஸ்வரம் ஸ்ருதிகா!

வெள்ளித்திரையில் அறிமுகம்

அம்மா பிறந்தது சென்னை, அப்பா மலேசியா. நான் பத்தாவது வரை மலேசியாவில் படிச்சோம். அப்புறம் சென்னை வந்து ப்ளஸ் ஒன் சேர்ந்தேன். நான் மீடியாவிற்குள் வருவதற்குக் காரணமே என் அக்கா சுதாதான்.

டிவி ஆங்கரிங், விளம்பரத்துறை என பிசியாக இருந்த எனக்கு வெண்ணிலா கபடிக்குழு பட வாய்ப்பு கிடைத்தது. தொடர்ந்து வேங்கையில் தனுஷ் தங்கையா நடித்தேன். மதுரை டூ தேனி படத்தில் ஹீரோயின் வாய்ப்பு கிடைத்தது.

சினிமா டூ சீரியல்

வெண்ணிலா கபடிக்குழு படத்தில் நடித்த போது பாஸ்கர் சக்தி மூலம் இயக்குநர் திருமுருகன் அறிமுகம் கிடைத்தது. இதோ 800 எபிசோடுவரை அழகாக போய்க்கொண்டிருக்கிறது நாதஸ்வரம்.

அழகான மருமகள்

நாதஸ்வரம் தொடரைப் போலவே ஜீ தமிழ் சேனலில் மாமியார் தேவை தொடரில் அழகான மருமகள் கதாபாத்திரம் கிடைத்துள்ளது.

புடவைதான் பிடிக்கும்

எனக்கு ஜீன்ஸ், டிசர்ட் போட்டு நடிப்பதை விட புடவைதான் பிடித்துள்ளது. அதேபோன்ற நான் நடிக்கும் கதாபாத்திரங்களும் அமைவது என்னுடைய அதிர்ஷ்டம் என்றே கூறுவேன்.

பெயர் மறந்துடும்

நாதஸ்வரம் சீரியலில் என் நடிப்பை பாராட்டாதவர்கள் யாரும் இருக்க மாட்டார்கள். மலரு... மலரு என்றுதான் எங்கு போனாலும் கூப்பிடுறாங்க. என்னோட பேரே மறந்துடும் போல இருக்கு அந்த அளவுக்கு பாசத்தோடு பழகுகின்றனர்.

அயிட்டம் டான்ஸ் வராது

சினிமாவில் நடித்துவிட்டு உடனே சீரியலுக்கு போனது ஏன் என்று கேட்கின்றனர். எனக்கு எல்லா கதாபாத்திரமும் நடிக்க வராது. குறிப்பா அயிட்டம் டான்ஸ் ஆட வராது. நான் நினைத்த கதாபாத்திரம் கிடைத்தால் சினிமாவில் நடிப்பேன். அதுவரை எனக்கு சீரியலில் கிடைத்து வரும் பெயர், புகழ் போது என்று கூறிவிட்டு சிரித்தபடி விடை பெற்றார் மலர் ஸ்ருதிகா.