Bigg boss 3 tamil:கண்ணுபடப் போகுதய்யா உலக நாயகனே!

கமலின் உடையும் நடையும்

நேற்று கமலின் உடையையும், நடையையும், ஸ்டைலான கூலிங்க் கிளாசையும் பார்த்து ரசித்த மக்கள், ஏக்கப் பெருமூச்சு விட்டுக்கொண்டது என்னவோ உண்மைதான்.ஏன், படங்களில் நடிப்பதில்லை என்று முடிவெடுத்தார் என்கிற கவலை. தேர்தல் பரப்புரை, மக்களை நேரடியாக சந்தித்தது என்று கமல் வெயிலில் அலைந்தாலும், மறுபடியும் கமல் தனது கலைஞன் ஃபார்முக்கு வந்துட்டார். முடிவை மறு பரிசீலனை செய்தால், இந்தியன் 2, மகள் ஸ்ருதி ஹாசனுடன் நடிக்க ஒப்புக்கொண்ட சபாஷ் நாயுடு போன்ற படங்களை கண்டு மகிழும் வாய்ப்பு கிடைக்கும்.

சீசன் 1 ஹவுஸ் மேட்ஸ்

பிக் பாஸ் சீசன் 1 ஹவுஸ் மேட்ஸ் கமல்ஹாசன் என்றால் அவ்வளவு மரியாதை தந்தார்கள். வாரம் முழுக்க கமல் சார் கமல் சார் என்று பேசி அவர்கிட்ட எதாவது கேட்க, அல்லது புகார் செய்ய வாரத்தின் ஆரம்ப நாட்கள் முதலே திட்டமிட்டு பேசிக் கொண்டு இருப்பார்கள்.வார கடைசியில் கமலைப் பார்க்கும்போது மனதில் இருக்கும் அத்தனையையும் கொட்டித் தீர்ப்பார்கள். கமல் அணிந்து வரும் உடைகளை பாராட்டி மகிழ்வார்கள். கமல் நின்றுகொண்டே பேசினால், முதலில் நீங்க உட்காருங்க சார்னு உபசரிப்பார்கள்.

சீசன் 2 ஹவுஸ் மேட்ஸ்

பிக் பாஸ் சீசன் 2 ஹவுஸ் மேட்ஸ் எல்லாருக்கும் கூட கமல் மீது அலாதி மரியாதை இருந்தது. அவர்களும் கமல் அணிந்து வரும் உடைகளைப் பாராட்டுவார்கள் .இவர்களுக்கும் கமல்ஹாசன் நின்று கொண்டு பேசினால் பிடிக்காது.உட்கார்ந்து பேச சொல்லி வற்புறுத்துவார்கள். நடிகர் பொன்னம்பலம் ஐஸ்வர்யா,யாஷிகா கமல்ஹாசன் முன்னால் கால் மேல் கால் போட்டு உட்கார்ந்தால் கூட முகத்தில் அடிச்ச்சது போல பேசிவிடுவார். இதை எல்லாம் கமல் கொண்டு கொள்பவர் இல்லை என்றாலும், அவர் ஒரு அற்புத கலைஞன்.இதை மறுக்க இயலுமா?

சீசன்3 ஹவுஸ் மேட்ஸ்

யம்மாடி பிக் பாஸ் சீசன் 3 ஹவுஸ் மேட்ஸ் பத்தி கேட்கவே வேணாம்...மரியாதைக்கு கூட கமல்ஹாசனை நின்னுக்கிட்டே பேசறீங்களே சார்னு கேட்க ஆளில்லை. அவர் உடையை பாராட்டியது இல்லை, வீட்டின் லிவிங் ஏரியாவில் உட்கார்ந்து இருக்கும் ஹவுஸ் மேட்சுக்கு அவரவர் பற்றி சிந்திக்கவும், கவலைப்படவுமே நேரம் போதவில்லை. போதாததுக்கு அபிராமி பொசுக்கு பொசுக்குன்னு அழறார்.கூடவே மீராவும் அழறார்.கடுப்பா இருக்குதுங்க. கமல் வந்தால் கூட ஜாலி இல்லை.