கலைஞர் டிவியில் இன்னிசை மழை

By Mayura Akilan

Published: Monday, May 28, 2012, 9:19 [IST]

Innisai Mazhai Music program on Kalaignar TV

இசை, நடனம் பற்றிய நிகழ்ச்சிகளுக்கு என்றுமே வரவேற்பு உண்டு. அதனால்தான் தமிழ் தொலைக்காட்சிகளில் புதிது புதிதாக இசை நிகழ்ச்சிகள் தயாரிக்கப்படுகின்றன. கலைஞர் தொலைக்காட்சியில் புதிதாக இன்னிசைமழை என்ற நிகழ்ச்சி திங்கட்கிழமை முதல் ஒளிபரப்பாக உள்ளது. வாரநாட்களில் திங்கள்கிழமை முதல் வியாழக்கிழமை இரவு 10.30 மணிக்கு ஒளிபரப்பாகும் இந்த நிகழ்ச்சியில் திரைப்பாடலை எழுதிய கவிஞரை நேரடியாக வரவழைத்து உரையாடுகின்றனர். கவிஞர் எழுதிய பாடலைப் பாடி அது உருவான விதம் பற்றி கவிஞரிடம் சுவாரஸ்யமான கேள்விகளை கேட்கிறார் தொகுப்பாளர் அப்துல்ஹமீது.

இந்த வாரம் இன்னிசை மழை நிகழ்ச்சியில் கவிஞர் விவேகா பங்கு பெறுகிறார். அவர் எழுதிய பாடல்களை பாடகர்கள் பாட அந்த பாடல் பிறந்த கதையை தொகுப்பாளர் அப்துல் ஹமீதுவிடம் விளக்கம் அளிக்கிறார் விவேகா.

கண் உறங்கும் நேரத்தில் கவிதைத்துவமான பாடல்களை கேட்கலாம் என்பதால் ரசிகர்களிடம் நல்ல வரவேற்பு இருக்கும் என்றே எதிர்பார்க்கப்படுகிறது.