தம்பியே ரசிக்கற அழகம்மை குடும்பத்தை பூர்ணா உடைக்க போறாளா?

பூர்ணா சுதா

பூர்ணா தனது அம்மா சகுந்தலா தேவிகிட்ட மதனை திருப்பி நம்ம வீட்டுக்கு அழைச்சுக்கிட்டு வருவேன்...அழகம்மை குடும்பத்தை கெடுத்தே தீருவேன்னு போன்லே பேசிக்கிட்டு இருக்கா. அதுக்குத்தான் இந்த வீட்டில் நல்ல மருமகள் போல நுழைஞ்சு இருக்கேன்னு சொல்றா.

சுதா நிக்கறா

அம்மாகிட்ட பேசிட்டு திரும்பிப் பார்த்தால்... அங்கே அழகம்மையின் மூத்த மருமகள் சுதா நிக்கறா, அதிர்ச்சி அடைஞ்ச பூர்ணா, சுதாவின் பின்னால் பார்க்கறா. பயப்படாத நான் மட்டும்தான் உன்னோட சதித் திட்டத்தை கேட்டுகிட்டு நிக்கறேன்.என்னைத் தவிர இங்கே யாரும் இல்லைன்னு சொல்றா சுதா.

அழகம்மை குடும்பத்தை

ஆமாம் சுதா... நான் அழகம்மை குடும்பத்தை உடைக்கத்தான் வந்தேன்... பாசத்தால் ஒன்று பட்ட குடும்பம்னு பெருமை பீத்திக்கறீங்களே..அந்த பெருமையை உடைச்சு ,ஆளுக்கு ஒரு பக்கமா பிரியற மாதிரி செய்ய போறேன்னு சவால் விடறா பூர்ணா

சேர்க்கறதுக்கு சவால்

நல்லா இருக்கும் குடும்பத்தை உடைக்கறதுக்கே நீ இவ்ளோ தில்லா சவால் விடறேன்னா.அதை நீ செய்யாம உன்னை தோத்துப் போக வைக்க நான் எவ்ளோ தில்லா சவால் விடனும்.முடிஞ்சா நீ செய்து பார். ஒவ்வொரு தடவையும் என்கிட்டே தோத்து போயி நிப்பேன்னு சொல்றா சுதா.

குடும்பத்தோட கோயிலுக்கு

குல தெய்வம் கோயிலுக்கு குடும்பத்தோட போறது பத்தியும், அதுக்கு எப்படி தயாராகிறது என்பது பத்தியும் குடும்பமே உட்கார்ந்து பேசறதைப் பார்த்த மதன் யோசனையில் உட்கார்ந்து இருக்கான்.

யோசனையில் இருக்கீங்க

மதன் இப்படி உட்கார்ந்து இருப்பதைப் பார்த்த அழகம்மை , மதன் என்ன இப்படி ஏதோ யோசனையில் உட்கார்ந்து இருக்கீங்கன்னு கேட்கறாங்க. இல்லை அத்தை இந்த வீட்டில் சின்ன விஷயமா இருந்தாலும் எப்படி குடும்பத்தோட உட்கார்ந்து பேசுறீங்க. சாப்பிடும்போது கூட ஒண்ணா உட்கார்ந்து சாப்பிடணும்னு நினைக்கறீங்க... எங்கள் வீட்டில் யார் இருக்காங்க.. இல்லைன்னு கூட தெரியாது அத்தைன்னு சொல்றான்.

அழகம்மையின் இந்த குடும்பத்தை தம்பி ரசிக்க, இதே குடும்பத்தை உடைப்பேன்னு சபதம் போட்டு இருக்கா அக்கா பூர்ணா.