பிக் பாஸ் போட்டியாளர்களில் இவருக்கு தான் அதிகம் சம்பளம்: எத்தனை கோடி தெரியுமா?

ஸ்ரீமுகி

பிக் பாஸ் 3 நிகழ்ச்சியில் கலந்து கொள்ள படுக்கைக்கு அழைக்கப்பட்டதாக ஒரு டிவி நிகழ்ச்சி தொகுப்பாளினி புகார் கூறியுள்ளார். அதே சமயம் பிரபல டிவி நிகழ்ச்சி தொகுப்பாளினியான ஸ்ரீமுகி பிக் பாஸ் நிகழ்ச்சியில் கலந்து கொண்டுள்ளார். இந்த சீசன் போட்டியாளர்களில் ஸ்ரீமுகிக்கு தான் அதிக சம்பளம் என்று கூறப்படுகிறது.

பிரபலம்

டிவி நிகழ்ச்சி தொகுப்பாளினியாக இருந்தாலும் ஸ்ரீமுகி ஆந்திரா, தெலுங்கானாவில் மிகவும் பிரபலம். அவரின் அழகான முகம் பலருக்கும் பிடித்துள்ளது. பிக் பாஸ் 3 நிகழ்ச்சியில் கலந்து கொள்ள அவருக்கு ரூ. 3.5 கோடி சம்பளம் கொடுக்கப்பட்டுள்ளது என்று தகவல் வெளியாகியுள்ளது. இது தெலுங்கு திரையுலகின் முன்னணி நடிகையான சமந்தா ஒரு படத்திற்கு வாங்கும் சம்பளத்தை விட அதிகம்.

போட்டியாளர்

பிக் பாஸ் 3 வீட்டில் இருக்கும் போட்டியாளர்களில் மிகவும் பிரபலமானவர் ஸ்ரீமுகி தான். இருப்பினும் தொடர்ந்து இரண்டு வாரங்களாக அவர் நாமினேட் செய்யப்பட்டுள்ளார். சக போட்டியாளர்களுக்கு அவரை பிடிக்கவில்லை. கடந்த வாரம் தப்பித்துவிட்டார், இந்த வாரமும் தப்பிப்பாரா என்பதை வார இறுதி நாட்களில் பார்க்க வேண்டும்.

நாகர்ஜுனா

பிக் பாஸ் 3 நிகழ்ச்சி குறித்து வரும் புகார்களை நாகர்ஜுனா கண்டுகொள்ளாமல் இருப்பதாக குற்றம் சாட்டப்பட்டுள்ளது. எது நடந்தாலும் சரி, எனக்கு பணம் கிடைத்தால் போதும் என்று இருக்கிறார் நாகர்ஜுனா என்று விமர்சனம் எழுந்துள்ளது. பிக் பாஸ் நிகழ்ச்சியை விளாசிவிட்டு தற்போது பணத்திற்காக தொகுத்து வழங்குகிறார் என்று குற்றச்சாட்டும் உள்ளது.