திரும்பிப் பார்க்கிறேன் ஜெயா டிவியில் ஒரு ஃப்ளாஸ்பேக்

எந்த ஒரு சம்பவத்தையும் மனதில் மறுபடியும் மனதில் ரீவைண்டு செய்து பார்த்தால் அது மகிழ்ச்சியை தரும். அது போல ஒரு நிகழ்ச்சிதான் திரும்பி பார்க்கிறேன். ஜெயா தொலைக்காட்சியில் ஒளிபரப்பாகும் இந்த நிகழ்ச்சி பழங்கால திரைப்பட நடிகர்கள் தாங்கள் நடித்த சிறந்த திரைப்படங்கள், தங்களுடன் பணிபுரிந்த கடந்த கால நிகழ்வுகளை மாறாத நினைவுகளோடு எடுத்துக்கூறுகின்றனர்.

அவர்கள் கூறும் நினைவுகளை காட்சிகளாக ஒளிபரப்புவது சிறப்பம்சமாகும். பழைய பாடல்களையும், திரைப்படங்களையும் அதே நடிகர், நடிகையர்களின் மூலமே கேட்டு அந்த காட்சிகளை தொலைக்காட்சியில் பார்ப்பது சிறப்பம்சமாகும்.

திரைப்பட நடிகை சச்சு, சோ, தொடங்கி ராமராஜன் வரை பல நடிகர்கள் இந்த நிகழ்ச்சியில் பங்கேற்று தங்களின் சுவையான அனுபவங்களை பகிர்ந்து கொண்டுள்ளனர். திரைப்பட ரசிகர்களுக்கு தங்களின் பழைய கனவுக்கன்னிகளை இன்றைய -சூழ்நிலையில் பார்ப்பது சுவாரஸ்யமான அனுபவம்தான்.