தலைவா, ஜில்லா சேட்டிலைட் உரிமத்தை வாங்கிய சன்: அஜீத், சூர்யா, கார்த்தியில் விஜய்தான் நம்பர் 1!

குழந்தைகளின் அண்ணா

ரஜினிக்கு பிறகு குழந்தைகளால் அதிகம் விரும்பப்படும் நடிகராக உள்ளார் விஜய். எனவே டிவியில் விஜய் நடித்த படங்களை ஒளிபரப்பினால் குட்டீஸ்கள் அதிகம் பார்க்க விரும்புவார்கள்.

சேட்டிலைட் உரிமம்

விஜய் நடித்த படங்களின் சேட்டிலைட் உரிமைத்தை வாங்க சேனல்களிடையே தனி போட்டியே நிலவுகிறது. அஜீத், சூர்யா படங்களை விட விஜய்யின் படம்தான் அதிக விலைக்கு விற்பனையாகிறதாம்.

தலைவா

தலைவா படத்தை ரூ. 15 கோடி கொடுத்து சன் டிவி நிறுவனம் வாங்கியுள்ளது.

ஜில்லாவுக்கு அதிகம்

அதே சமயம் விஜய் நடித்து வெளிவர உள்ள ஜில்லா திரைப்படத்தின் சாட்டிலைட் உரிமத்தை சன் டிவி ரூ.18 கோடிக்கு வாங்கியுள்ளதாம்.

விஜய் நம்பர் 1

‘ஸ்டுடியோ கிரீன்' நிறுவன அதிபர் கே.ஈ.ஞானவேல் ராஜா நான்கு பெரிய நடிகர்கள் நடித்த படங்களின் சாட்டிலைட் வியாபாரம் குறித்து ஒரு தகவலை வெளியிட்டிருக்கிறார். அதில் விஜய்க்கு தான் முதல் இடம் என்று கூறியுள்ளார்.

தல அஜீத்

அஜீத் நடித்து திரைக்கு வர உள்ள வீரம் திரைப்படத்தின் சேட்டிலைட் உரிமம் ரூ.13 கோடிக்கு விற்பனையாகியுள்ளதாம்.

சூர்யா, கார்த்தி

இதற்கு அடுத்த இடத்தில் சூர்யா, கார்த்தி நடித்த படங்கள் விற்பனையாகியுள்ளன. மேலும் கார்த்தி நடித்து விரைவில் திரைக்கு வரவிருக்கும் ‘ஆல் இன் ஆல் அழகு ராஜா' மற்றும் ‘பிரியாணி' படங்கள் தலா 11 ½ கோடிக்கு விலை போய்யுள்ளதாகவும் கூறியுள்ளார் ஞானவேல்ராஜா.