ஜீ தமிழ் டிவியில் காதலுக்கு சலாம்!

அமெரிக்க இந்திய பெண்மணி

ஜோயா பரூக்கி அமெரிக்காவில் குடிபெயர்ந்த இந்திய பெண்மணி. நீண்ட காலத்திற்குப் பிறகு ஜோயா தன் தந்தையை தேடி இந்தியாவிற்கு திரும்புகிறாள்.

கொண்டாடும் உறவுகள்

போபாலில் வசிக்கும் தன் அக்கா ஜீனத் மற்றும் அவளின் கணவன் அன்வர் ஆகியோரின் உதவியுடன் தன் தந்தையை தேடும் முயற்சியில் ஈடுபடுகிறாள். வந்த இடத்தில் அவரது உறவினர்கள், சகோதரிகளை சந்திக்கிறார். அவர்களின் செல்லப் பிள்ளையாகிறார். நீண்டநாட்கள் குடும்பத்தை பிரிந்த உறவுகள் ஜோயாவை தலைமேல் வைத்து கொண்டாடுகிறார்கள்.

ஜோயாவுக்கு திருமணம்

இதற்கிடையில் ஜோயாவை கேட்காமலேயே அவளுக்கு வரன் தேடி அதை முடிவும் செய்து விடுகிறாள் ஜீனத். அவளுக்கு திருமணம் செய்து வைத்து அவள் வாழ்வதை கண்குளிர காண வேண்டும் என்று நினைக்கிறார்கள் உறவினர்கள். இதை சற்றும் எதிர்பாராத ஜோயா தனக்கு விருப்பம் இல்லாத இந்த திருமணத்திற்கு மறுப்புச் சொல்ல முடியாமல் தவிக்கிறாள்.

தந்தையை காண

ஆனால் ஜோயாவுக்கோ தன் தந்தையை கண்டுபிடிக்க வேண்டும் என்பதே லட்சியம். அதே சமயம் திருமணத்திற்கு மறுப்புக் கூறும் பட்சத்தில் தன் அக்காவின் குடும்பத்திற்கு ஏற்படப் போகும் அவமானத்தை நினைத்து வருந்துகிறாள்.

காதல் கதை

இறுதியில் ஜோயா திருமணம் செய்து கொண்டாடாளா, தன் தந்தையை கண்டுபிடித்தாளா என்கிற கதை தான் காதலுக்கு சலாம். மனதை வருடும் காதல் காட்சிகள் மற்றும் எதிர்பாராத திருப்பங்களுடன் கூடிய இந்த தொடரை, திங்கள் முதல் வெள்ளி வரை தினமும் மாலை 6 மணிக்கு ஒளிபரப்பாகிறது.