Kalyana Veedu Serial: நான் கூப்பிட்டா அண்ணன் கண்டிப்பா வரும்... எதுக்கு கத்தறே?

கற்பனையும் கதையும்

நிஜ கதாபாத்திரங்களின் கதை மற்றும் அதனுடன் கற்பனை சேர்த்துதான் தான் சீரியல் எடுப்பதாக கல்யாண வீடு இயக்குநர் திருமுருகன் சொல்லி இருக்கார். அதுக்குன்னு இப்படியா? எப்போ பார்த்தாலும் பர பர விறு விறு காட்சிகள் என்று, புறணி பேசும் பெண்கள், வயதுக்கு மீறி தொண்டை அடைக்க பேசும் பெண்கள் என்று காண்பித்து, இப்படிப்பட்ட பெண்களை சமுதாயத்தில் தேடும் அளவுக்கு காண்பிச்சு இருக்கார்.

ஒரு வயதுக்கு பிறகு

வாழ்க்கையில் ஒரு வயதுக்குப் பிறகு குரலை உசத்தி பேசுவது என்பதே முடியாது. பொறுமை நிதானம் என்று மற்றவர்களுக்கு உதாரணமாக இருப்பதுதான் வயதின் மாற்றத்துக்கும் அழகு. கல்யாண வீட்டில் பார்த்தால், சிவகாமி அம்மா எப்போதும் தொண்டையடைக்கப் பேசி நடிச்சு இருக்கார். நிஜமாவே அவருக்கு நடிக்கும்போதும் டப்பிங் கொடுக்கும் போதும் பிபி வந்தாலும் ஆச்சரியம் இல்லை.

பொண்ணுமா இப்படி

சரி.. அம்மா கதாபாத்திரம் சிவகாமிதான் அப்படி கத்தறாங்கன்னா... பொண்ணு கதாபாத்திரமான அனுசூயாவும் கத்தறாங்க. சானலை திருப்பினாள் கீச்சு கீச்சுன்னு...ஒரே காச் மூச் சத்தம்தான் வருது. சின்ன வயசு பொண்ணுங்களையாவது கொஞ்சம் அடக்க ஒடுக்கமா குரலை உசத்தி பேசாத மாதிரி நடிக்க வைங்கப்பா... உங்களுக்கு புண்ணியமாய் போகும்.

கோபி சார் ஓரவஞ்சனை

சின்னத்திரை சீரியல்களில் பெண்களை உசத்திதான் கதை இருக்கும். அதே கதையில் வில்லியும் இருப்பாங்க. அதென்ன கோபி சார் உங்க கல்யாண வீடு சீரியலில் மட்டும் பெண்கள் புறணி பேசி, குடும்பத்தை கெடுக்கறாங்க. தொன்டை அடைக்க எமோஷனா பேசறாங்க,. ஆண்கள் வந்துட்டு போறாங்க என்பது போல அமைதி கதாபாத்திரம்தான். அதிலும் உங்க கேரக்டர் செம!