கைதியை பின்னுக்கு தள்ளிய கவிலியா காதல்.. பிக் பாஸ் முடிந்தும் கெத்து காட்டும் கவின் - லாஸ்லியா!

கவிலியா காதல்

மற்றொரு பக்கம், அபிராமி - முகென், தர்ஷன் - ஷெரின் இடையே ரொமான்ஸ் காட்சிகள் அரங்கேறின. ஆனால் இதை எல்லாம் ஒன்றுமில்லாமல் செய்துவிட்டது கவிலியா காதல்.

காதல் கவிதை

கமல், பிக் பாஸ், லாஸ்லியா அப்பா, சக போட்டியாளர்கள் என யார் திட்டினாலும் கவிலியா காதல் கதை ஒருபக்கம் தொடர்ந்து கொண்டே தான் இருந்தது. ரசிகர்களுக்கும் அதுவே பிடித்தமானதாக இருந்தது. பிக் பாஸ் நிகழ்ச்சியின் இறுதி நாளில் கூட கவினும், லாஸ்லியா ஜாடமாடையாக காதல் கவிதை பாடினர்.

டிரெண்டிங்கான கவிலியா

பிக் பாஸ் நிகழ்ச்சி நடந்து கொண்டிருந்த போது, கவிலியா ஹேஷ்டேக் டிவிட்டரில் அவ்வப்போது டிரெண்டிங்காகும். கவின், லாஸ்லியா ரசிகர்களும், எதிர்பாளர்களும் இதில் மோதிக்கொள்வர். ஆனால் இப்போது பிக் பாஸ் நிகழ்ச்சி முடிந்த பிறகும் கவிலியா ஹேஷ்டேக் டிரெண்டிங்காகி இருக்கிறது தான் ஆச்சரியத்தை ஏற்படுத்தியுள்ளது.

கைதியை முந்தியது

கார்த்தி நடித்த கைதி படத்தின் ஹேஷ்டேக் தான் நேற்று டிவிட்டரில் முதலில் டிரெண்டிங்கில் இருந்தது. திடீரென கவிலியா ஹேஷ்டேக் பரபரவென டிரெண்டிங்காகி கைதியை முந்தி சென்றது. இதனால் பிக் பாஸ் ரசிகர்கள் வியப்படைந்தனர்.

ரசிகர்கள் உருக்கம்

"நாம் கவிலியா காதலை கொண்டாடுகிறோம் என்பதை கவினும், லாஸ்லியாவும் நிச்சயம் அறிவார்கள். நாம் அவர்கள் மீது வைத்திருக்கும் அன்பு, நிச்சயம் அவர்களுக்கு யார் மூலமாவது தெரியவரும். இதை எல்லாம் பார்த்து அவர்கள் புன்னகைப்பார்கள். அவர்களுக்குள்ளான அன்பும், பிணைப்பும் சுத்தமானதும், ஸ்பெஷலானதும் கூட. நிறைய பேருக்கு இது புரியாது. இது உண்மை என அவர்களுக்கு தெரியும்", என உருகியுள்ளார் இவர்.

திட்டவும் தவறவில்லை

இதேபோல் பலரும் கவிலியா ஹேஷ்டேகில் கருத்து தெரிவித்துள்ளனர். ஆனால் பாதிக்கு பாதி கவினையும், லாஸ்லியாவையும் திட்டவும் செய்திருக்கிறார்கள் நெட்டிசன்கள். பிக் பாஸ் ஒரு ரியாலிட்டி ஷோ தான் என்றாலும், அது தொலைக்காட்சியில் ஒளிபரப்படும் ஒரு நிகழ்ச்சி மட்டுமே என்பதை ரசிகர்கள் பல நேரம் மறந்துவிடுகின்றனர் என்பது குறிப்பிடத்தக்கது.