பாலிமர் டிவி: நிவேதிதாவின் 'கோலிவுட் இன்பாக்ஸ்'

சினிமா தொடர்பான நிகழ்ச்சிகளுக்கு தொலைக்காட்சி ரசிகர்களிடையை நல்ல வரவேற்பு உண்டு. மக்கள் டிவி தவிர அனைத்து சேனல்களுமே சினிமா செய்திகளை ஒளிபரப்புகின்றனர்.

இப்போது பாமகவினரும் சினிமா எடுப்பதால் இனி மக்கள் தொலைக்காட்சியிலும் சினிமா நிகழ்ச்சிகள் வந்தாலும் ஆச்சரியமில்லை. நம்முடைய செய்தி அதைப்பற்றியதல்ல.

பாலிமர் தொலைக்காட்சியில் சினிமா நிகழ்ச்சிகளுக்காக புதியதாக தொடங்கியுள்ள கோலிவுட் இன்பாக்ஸ் பற்றிதான்.

சினிமா பூஜை தொடங்கி பாடல் வெளியீட்டு, பத்திரிக்கையாளர் சந்திப்பு என ரிலீஸ் வரை திருவிழாதான். இதன் ஒவ்வொரு நிகழ்வையும் கோலிவுட் இன்பாக்ஸ் மூலம் ரசிகர்களுக்கு கொண்டு வந்து சேர்க்கின்றனர்.

கிசு கிசு இல்லாத சினிமா செய்தியா? அதுவும் இந்த கோலிவுட் இன்பாக்ஸ் நிகழ்ச்சியில் இடம் பெறுகிறது. ஞாயிறுதோறும் மாலை 5.30 மணி முதல் 6 மணிவரை ஒளிபரப்பாகும் கோலிவுட் இன்பாக்ஸ் நிகழ்ச்சியை நிவேதிதா தொகுத்து வழங்குகிறார்.