முகப்பு

தொலைக்காட்சி

சென்னை: ஆதித்யா டிவியின் கொஞ்சம் நடிங்க பாஸ்.. வெளியாக ஆரம்பித்த 1000 நாட்களைத் தொட்டு விட்டது.

சன் தொலைக்காட்சி குழுமத்தின் முழு நேர நகைச்சுவை டிவியே ஆதித்யா டிவி. இதில் ஒளிப்பரப்பாகும் நிகழ்சிகள் அனைத்துமே நகைச்சுவையை மையப்படுத்தியே இருக்கும்.

இதன் சிறப்பே சிரிப்பு + விளம்பரம் தான். ஆரம்பித்த நாள் முதல் இன்று வரை மாறாமல் இருப்பது. ஆதித்யா பாருங்க சிரிச்சுகிட்டே இருங்க என்பது தான் அதன் ஒரு வரி விளம்பரம்.

அசைச்சுக்க முடியாது அசைச்சுக்க முடியாது என்பது அதன் தன்னம்பிக்கை பன்ச்!

இந்த ஆதித்யா தொலைக்காட்சியில், ஒளிப்பரப்பாகும் பல்வேறு நிகழ்ச்சிகளில் கொஞ்சம் நடிங்க பாஸ் நிகழ்ச்சி ஒரு சில விநாடிகளே வந்தாலும், அதற்கு ரசிகர்கள் கூட்டம் அதிகமாகவே உள்ளது.

அத்தகைய பிரபலமான நிகழ்ச்சி ஆரம்பித்து 1000 நாட்களை கடந்ததால், அதனை சிறப்பிக்கும் பொருட்டு, ஆதித்யா தொலைக்காட்சி நிறுவனம், கொஞ்சம் நடிங்க பாஸ் நிகழ்ச்சிக்கு இணையதளங்களில் உள்ள ரசிகர்களுக்காக ஒரு வீடியோ பதிவினை பதிவு செய்துள்ளது.

அந்தபதிவில், கொஞ்சம் நடிங்க பாஸ் நிகழ்ச்சி தொகுப்பாளரான ஆதவன் அவர்கள் தங்களது ரசிகர்களுக்காக ஒரு வசனத்தை கூறியுள்ளார். அந்த வசனத்தை அதே உணர்ச்சியுடன் நடித்து அதனை வீடியோ எடுத்து அனுப்பினால், ரசிகர்களாகிய உங்களது நடிப்பும் வசனமும் திரையிடப்படும்.

கொஞ்சம் நடிங்க பாஸ் நிகழ்ச்சி தனது 1000 வது நாளினை இணையதள ரசிகர்களுடன் கொண்டாடவுள்ளது. ரசிகர்களே இது முழுக்க முழுக்க உங்களுக்கான நிகழ்ச்சி.. இங்கு அந்த வசனத்தின் வீடியோ இணைக்கப்பட்டுள்ளது..