குஷ்பூவின் மீரா தொடர்... என்னது ஸ்பெஷல் எபிசோட்டா... என்னென்ன ட்விஸ்ட்கள் காத்திருக்கோ தெரியலையே!

நடிகை குஷ்பூ

நடிகை குஷ்பூ தன்னுடைய சினிமா கேரியரில் பெஸ்ட் நடிகையாக இருந்தவர். கமல், ரஜினி, சத்யராஜ் என முன்னணி நடிகர்களுடன் ஜோடி சேர்ந்து நடித்தவர். கொழுகொழுவென இவரது உடல் வாகிற்கு ஏராளமான ரசிகர்கள் காணப்பட்டனர். இவருக்கு கோயில் கட்டிய சம்பவமும் தமிழகத்தில் நடைபெற்றது.

பிசியான குஷ்பூ

ஒருகட்டத்தில் சுந்தர் சியை திருமணம் செய்து கொண்டு செட்டில் ஆன குஷ்பூ, தொடர்ந்து சீரியல், தயாரிப்பு என தன்னை பிசியாக வைத்துக் கொண்டுள்ளார். ரியாலிட்டி ஷோக்களிலும் பிசியாக காணப்படுகிறார். இடையில் சிறிது காலம் சீரியலைவிட்டு ஒதுங்கியிருந்த குஷ்பூ தற்போது மீண்டும் சீரியலில் இணைந்துள்ளார்.

மீரா சீரியல்

கலர்ஸ் தமிழில் ஒளிபரப்பாகிவரும் மீரா சீரியலில் நடித்து வருகிறார். அவருக்கு ஜோடியாகியுள்ளார் பிரபல நடிகர் சுரேஷ் மேனன். பரபரப்பான எபிசோட்களுடன் தொடர்ந்து ஒளிபரப்பாகும் இந்த தொடரில் தற்போது நாளைய தினம் மே 1 உழைப்பாளர் தினத்தையொட்டி சிறப்பு எபிசோட் ஒளிபரப்பாக உள்ளதாக அறிவிக்கப்பட்டுள்ளது.

கிருஷ்ணா எண்ணம் நிறைவேறுமா?

மருத்துவர்களாக இருக்கும் குஷ்பூ மற்றும் சுரேஷ் மேனன், பல ஆண்டுகளாக மனஸ்தாபம் காரணமாக பிரிந்துள்ள நிலையில், குழந்தைகளுக்காக மீண்டும் இணையும் வகையில் அவரை வீட்டிற்கு அழைக்கிறார் கிருஷ்ணா கேரக்டரில் நடித்துவரும் சுரேஷ் மேனன். அவரது எண்ணம் நிறைவேறுமா என்பது நாளைய சிறப்பு எபிசோடில் தெரியவரும்.

மகனுடன் கருத்து வேறுபாடு

ஏற்கனவே மீராவிற்கும் அவரது மகன் அஜய்க்கும் பல சந்தர்ப்பங்களில் கருத்து வேறுபாடுகள் ஏற்படுவதாக காட்டப்படும் நிலையில், மீராவை அவர் புரிந்து கொள்வாரா, இந்த சந்திப்பு சிறப்பான விளைவுகளை ஏற்படுத்துமா என்பது குறித்து நாளைய எபிசோடில் பரபரப்பான காட்சிகளுடன் ஒளிபரப்பாக உள்ளது.