Don't Miss!
- Technology iPhone SE 4 இல் OLED டிஸ்பிளே.. Samsung-கிற்கு டேக்கா கொடுத்த ஆப்பிள்.. OLED டிஸ்பிளேவை தயாரிக்க போவது யார்?
- Automobiles இது பஸ்ஸா இல்ல பென்ஸ் காரா? சென்னைக்கு வரப்போகும் புதிய அரசு பஸ் பற்றி தெரியுமா?
- News ஒரு பக்கம் டிடிவி, மறுபக்கம் தங்கம், நடுவில் நாராயணசாமி.. தேனியில் கொண்டாட்டமும்.. திண்டாட்டமும்!
- Finance அமெரிக்காவையே அதிர வைத்த நிதி மோசடி.. கிரிப்டோ கிங் பேங்க்மேன் ஃபிரைடுக்கு 25 ஆண்டுகள் சிறை
- Sports பொய்யான வீடியோவை பரப்பும் ரசிகர்கள்.. தோனி - பதிரானா இடையே என்ன நடந்தது? உண்மை இதுதான்
- Education நெட் தேர்வு மதிப்பெண் அடிப்படையில் பிஎச்.டி. படிப்பில் சேரலாம்: யுஜிசியின் புதிய அறிவுறுத்தல
- Travel தமிழ்நாட்டுக்குள் இருக்கிற தாஜ்மஹாலுக்கு நீங்க போய் இருக்கீங்களா – தாய்க்காக தாஜ்மஹால் கட்டிய மகன்!
- Lifestyle இந்தியாவிலிருந்து ஆங்கிலேயர்கள் திருடிட்டு போன விலைமதிப்பில்லாத பொக்கிஷங்கள்... இதோட மதிப்பு என்ன தெரியுமா?
சிறப்பு நிகழ்ச்சிகள் பட்டியலே அள்ளுதே.. வேற மாரி பட்டய கிளப்பும் கலர்ஸ் தமிழ்!
சென்னை : பொங்கல் பண்டிகையையொட்டி சினிமா நட்சத்திரங்கள் பங்கேற்கும் பல்வேறு சிறப்பு நிகழ்ச்சிகளை ஒளிபரப்பும் கலர்ஸ் தமிழ் தொலைக்காட்சி
புகழ்பெற்ற பேச்சாளர்களின் சிறப்பு பட்டிமன்றம், வித்தியாசமான பொழுதுபோக்கு நிகழ்ச்சிகளுடன் திரைப்படங்களும் ஒளிபரப்பாகிறது.
ஜனவரி 14, வெள்ளி முதல் 16 ஜனவரி, ஞாயிறு வரை கலர்ஸ் தமிழ் தொலைக்காட்சியில் சிறப்பு பொங்கல் நிகழ்ச்சிகளை பார்த்து மகிழுங்கள்.
குடும்பத்தினர் அனைவரும் மகிழ்ச்சியுடன் ஒன்றிணைந்து பொங்கல் பண்டிகையை கொண்டாடும் இத்தருணத்தில் அவர்களை மேலும் உற்சாகப்படுத்தும் விதமாக வரும் வெள்ளிக்கிழமை முதல் பல்வேறு சிறப்பு நிகழ்ச்சிகளை கலர்ஸ் தமிழ் தொலைக்காட்சி ஒளிபரப்புகிறது.
பிக் பாஸ் தமிழ் சீசன் 5: யாருக்கு அதிக ஓட்டு? யார் கடைசி இடத்தில்? எதிர்பாராததை எதிர்பார்க்கலாமா?
சிறப்பு பட்டிமன்றம்
நடிகரும் இயக்குனருமான பாக்யராஜ் தலைமையில் நடைபெறும் சிறப்பு பட்டிமன்றம் முதல் நட்சத்திர பட்டாளங்கள் பங்கேற்கும் கலர்ஸ் தமிழ் திருவிழா உள்ளிட்ட பல்வேறு சிறப்பு நிகழ்ச்சிகள் ஒளிபரப்பாக உள்ளன. இந்த பட்டிமன்றத்தின் சிறப்பு பேச்சாளர்களாக நடிகரும் இயக்குனருமான பாண்டியராஜன், ரமேஷ் கன்னா, தினேஷ், புகழ்பெற்ற பட்டிமன்ற பேச்சாளர் சுமதி ஸ்ரீ, நடிகை ஜாங்கிரி மதுமிதா, நித்ய பிரியா ஆகியோர் பேச இருக்கிறார்கள்.
தமிழ் திருவிழா
அதனைத் தொடர்ந்து "தமிழ் திருவிழா" என்னும் நிகழ்ச்சி ஒளிபரப்பாக உள்ளது. இந்த நிகழ்ச்சியை தொகுப்பாளர்கள் ஆதவன் மற்றும் பரினா ஆசாத் ஆகியோர் தொகுத்து வழங்க விருக்கிறார்கள். 3 மணி நேரம் ஒளிபரப்பாகும் இந்த சிறப்பு நிகழ்ச்சியில் விதவிதமான நடனங்கள், பின்னணி பாடகர்கள் வேல்முருகன், முகேஷ் மற்றும் வினைத்தா சிவகுமார் ஆகியோரின் பாடல்கள், விலாநோகச் செய்யும் சிரிப்பு நிகழ்ச்சி மற்றும் விருது வழங்கும் நிகழ்ச்சி ஆகியவை இடம் பெரும்.
சில நேரங்களில் சில மனிதர்கள்
இந்த கொண்டாட்டத்தில் தமிழ் சினிமாவைச் சேர்ந்த சந்தானம், மற்றும் "சில நேரங்களில் சில மனிதர்கள் "திரைப்படத்தின் குழுவினர் அசோக் செல்வன், ரித்விகா, மணிகண்டன் ஆகியோர் பங்கேற்க இருக்கின்றனர். கலர்ஸ் தமிழ் திருவிழா என்னும் இந்த நிகழ்ச்சி காலை 10.30 மணிக்கு ஒளிபரப்பாக உள்ளது.
புது நிகழ்ச்சிகள்
இது குறித்து கலர்ஸ் தமிழ் வர்த்தக தலைவர் ராஜாராமன் கூறுகையில், "சிறப்பு மற்றும் உற்சாகம் நிறைந்த இந்த பொங்கல் பண்டிகையானது குடும்ப ஒற்றுமையை காப்பதிலும், கவலைகளை மறக்கவும் செய்கிறது. குடும்பங்களை மிகுந்த ஈடுபாட்டுடனும் மகிழ்ச்சியுடனும் வைத்திருக்கும் விதமாக குறிப்பாக தற்போதைய தொற்று நோய் நிலையை கருத்தில் கொண்டு, பல மணி நேரம் பொழுதை போக்கும் விதமாக பல்வேறு சிறப்பு நிகழ்ச்சிகளை ஒளிபரப்புவதில் நாங்கள் மிக்க மகிழ்ச்சி அடைகிறோம். மேலும், இந்த பொங்கலை எங்கள் கலர்ஸ் தமிழ் குடும்பத்துடன் கொண்டாடுவதில் நாங்கள் மகிழ்ச்சியடைவதோடு, எங்கள் தொலைக்காட்சியின் முதல் பட்டிமன்ற நிகழ்ச்சியையும் வழங்க இருக்கிறோம். இந்த பட்டிமன்றம் பார்வையாளர்களிடையே நல்ல வரவேற்பை பெறும் என்ற நம்பிக்கை எனக்கு உள்ளது. இந்த கலர்ஸ் தமிழ் திருவிழா உலகம் முழுவதிலும் உள்ள தமிழ் பார்வையாளர்களுக்கு ஒரு அற்புதமான அனுபவமாக இருக்கும் என்று நாங்கள் நம்புகிறோம் என்று தெரிவித்தார்.
சிறப்பு திரைப்படங்கள்
மேலும், பொங்கல் பண்டிகையை உற்சாகப்படுத்தும் விதமாக, மம்முட்டி, ஆர்யா, பிரித்விராஜ் மற்றும் பிரியா ஆனந்த் நடித்த லோக்கல் பாய்ஸ் திரைப்படம் சனிக்கிழமை, மாலை 4.30 மணிக்கு ஒளிபரப்பாக உள்ளது. மேலும் ஞாயிற்றுக்கிழமை, அன்று ஆர்.எஸ். கார்த்திக் மற்றும் அயிரா நடித்த "என்னங்க சார் உங்க சட்ட"ம் என்ற திரைப்படம் ஒளிபரப்பாக உள்ளது. கலர்ஸ் தமிழ் தொலைக்காட்சியில் ஒளிபரப்பாகும் இந்த நிகழ்ச்சிகளை உங்கள் குடும்பத்துடன் சேர்ந்து பார்த்து மகிழுங்கள்.