முத்து குளிக்க வாரியளா..மூச்சை அடக்க வாரியளா ஆச்சி பிறந்த நாள்!

தில்லானா மோகனாம்பாள்

தில்லானா மோகனாம்பாள் படத்தில் சில் சில் ரமாமணின்னு இப்போ பேரை மாத்தி வச்சு இருக்கேன்ல.. அந்தப்பேரை சொல்லி கூப்பிடுங்க என்று சிவாஜியிடம் மனோரமா சொல்ல, அப்போதில் இருந்து ஜில்லு ஜில்லுன்னு கூப்பிட ஆரம்பிப்பர் சிவாஜி. நீங்க வாசிச்சாத்தன் இந்த சத்தம் வருதா. இல்லை யார் வாசிச்சாலும் இந்த நாயனத்துல இப்படித்தான் சத்தம் வருமான்னு சந்தேகம் கேட்பது என்று கலகலக்க வைத்து இருப்பார் மனோரமா.

அபூர்வ ராகங்கள்

அபூர்வ ராகங்கள் படத்தில் கமலுடன் சேர்ந்து காது வரைக்கும் வாய் கிழியுதுன்னு ராஜா கையை வச்சா பாடலுக்கு கூடவே பாடி இருப்பார். இப்படி இளம் தலைமுறையினருடன் அவர் நடித்து இருப்பதோடு, பாடல்களும் பாடி இருப்பார்.குறிப்பாக ரஜினியின் படங்களில், கமல் படங்களில் தொடர்ந்து நடித்து இருப்பர் ஆச்சி மனோரமா.

கம்முன்ன கம்மு கம்முனாட்டி கோ

அப்போதே தங்கிலீஷில் ஆச்சி மனோரமா சம்சாரம் அது மின்சாரம் படத்தில் டயலாக் பேசி இருப்பார். எங்க பொண்ணு ராத்திரி 10 மணிக்கும் வரும்.. 12 மணிக்கும் வரும்.. சில சமயம் வரவே வராதது. அதுக்காக அத்த சந்தேகப்படியாமே...ஏம்பா ஆல்பர்டு பெர்னாடசு.. இதுக்கெல்லாம் சம்மதம்னா எங்க பொண்ணு வரும். இல்லேன்னா நீ கம்முன்னா கம்மு கம்முனாட்டி கோ...ன்னு வேலைக்காரி கண்ணம்மா கேரக்டரில் வந்து பேசி இருப்பார்.

வியக்க வைக்கும் மனுஷி

தனது பாடி லாங்குவேஜால்.. வசனம் டெலிவரி செய்யும் ஸ்டைலால என்று கலாட்டாவும் செய்வார். குணச்சித்திர கதாபாத்திரங்கள் ஏற்று நடித்து கண்ணில் நீரையும் வர வாழைப்பார். வியக்க வைக்கும் மனுஷியாக திரையுலகை அரை நூற்றாண்டுக்கு மேல் கட்டியாண்ட மனோரமா ஆச்சிக்கு இன்று பிறந்தநாள்.